Kultur programaren 30. edizioa aurkeztu du astelehen honetan Rebeca Esnaolak, Nafarroako Gobernuko Kultura, Kirol eta Turismo kontseilariak. Udako asteburuetan Nafarroa osoko 43 herri bisitatuko ditu, hainbat estilotako musikarekin, baita antzerkiarekin, zirkuarekin edo dantzekin. Eskualdeari dagokionez, Bertizek ohiko erakusketa eta jarduerak hartuko ditu uztailean eta abuztuan eta musika doinuak eta dantzak Berara, Zugarramurdira. Lesakara, Donamariara eta Elizondora ailegatuko dira aurten.

Legasako Kontzejuak hiru proiektu aurkeztu ditu Nafarroako Gobernuaren Toki Inbertsioen Planaren 2026-2028 deialdira. Jexux Etxart alkateak jakinarazi duenez, alde batetik, Beortegiko baserrietara ur sare publikoa luzatu nahi dute; horrez gain, frontoia berritu, eta akitzeko, Zeberiko errekan dauden baserriei bide berria egin.