Josetxo Huartek eta Cesar Iñarreak irabazi dute Antxitoneko paleta goma txapelketa

  Kirola  Baztan  Elizondo

Josetxo Huartek eta Cesar Iñarreak irabazi dute Antxitoneko paleta goma txapelketa

Ekainaren 3ko finalean 40-36 irabazi zieten Baylon eta Etxenikeri 

Elizondoko Antxitonea trinketeko paleta goma txapelketako finalak jokatu zituzten ekainaren 3an. Lehen mailakoan, Josetxo Huartek eta Cesar Iñarreak 40-36 irabazi zieten Katti Baylon eta Guillermo Etxenikeri. Bigarren mailakoan, Urrutia eta Goñik 40-34 irabazi zieten Bidegain eta Sansiñenari. Ohikoa denez, finalen ondotik bazkari ederra izan zuten kirolariek, txanpainarekin bustia.

Lekarozen Nafarroako Gobernuaren eraikin huts bat okupatu dute

  Gizartea  Baztan  Lekaroz

Baztango gazte koadrila batek igorritako oharrak dioenez, hizkuntza murgiltze zentroa okupatu eta lehengo izen zaharra berreskuratu dute, Abeltegia

Baztango gazte koadrila batek Lekarozko kanpuseko Hizkuntza murgiltze zentroa delakoa okupatu dute. «Guk paraje honetako izen zaharra berreskuratu eta Abeltegia deituko diogu, eraikin hau eraiki aitzinetik, hala baizen, monasterio zaharreko abeltegia», diote ohar batean.

Laugarren bukatu du liga Baztan futbol talde nagusiak

  Kirola  Baztan

Laugarren bukatu du liga Baztan futbol talde nagusiak

Giltxaurdin jokatutako azken partidan galdu egin zuen Peña Azagresaren kontra eta Hirugarren mailarako promozioko lehen partida ere Azagrakoen kontra jokatuko du

Futbolean, ligako azken partida jokatu dute Giltxaurdin Baztango futbol talde nagusiak eta jubenilek. Handiek galdu egin zuten eta laugarren izan dira azkenean. Halere, Hirugarren mailarako igoera promozioa jokatuko dute. Jubenilek, Liga nazionaleanarazorik gabe mantendu dute kategoria.

Kontzentrazio partzelarioari buruz aritzeko Gobernuko teknikariak Anizen egon dira

  Gizartea  Baztan  Aniz

Kontzentrazio partzelarioari buruz aritzeko Gobernuko teknikariak Anizen egon dira

Honen inguruko kezka aspaldikoa da Baztanen eta onena herri ttiki batetik hastea dela uste du Balleko Etxeak

Baztango Udalaren eskariz kontzentrazio partzelarioari buruz aritzeko Gobernuko landa garapen departamenduko teknikariek Anizerat bisitaldia egin berri dute. Bilera maiatzaren 31n, asteazkenean egin zen eta teknikariez gain Juan Kruz Iriartek udaleko nekazaritza eta herrilurretako zinegotziak eta Anizko nekazariek parte hartu zuten. 

Lizartzuko, Belateko eta Erdizeko herri-bazkalekuen udako denboraldia hasi da Baztanen

  Gizartea  Baztan

Lizartzuko, Belateko eta Erdizeko herri-bazkalekuen udako denboraldia hasi da Baztanen

600 behi baino gehiago sartu dira eta irailaren 20ra bitarte alatuko dute bertan

Urtero bezala Baztango herri-bazkalekuetako udako denboraldia hasi zen duela aste batzuk Lizartzuko luberrian eta ekainaren 1ean Erdiz eta Belaten. Denetara 600 bat buru sartu dira azken bi hauetan, gehienak behi aziendak eta gutixeago Lizartzun, horietako batzuk zaldiak.

Lekarozko DBHko 4. Mailako ikasleek ‘Sustraietatik’ diska karrikaratu dute

  Kultura  Baztan  Lekaroz

Lekarozko DBHko 4. Mailako ikasleek ‘Sustraietatik’ diska karrikaratu dute

15-16 urteko neska-mutilek konposatu, jo eta grabatu duten zazpi kantuz osatu dute lana

Hasi eta bukatu. Zerotik hasi eta diska esku artean eduki arteko prozesu osoa gauzatu dute ikasturte honetan Lekarozko DBH-4ko 30 bat ikaslek musika ikasgaian. Batzuk musika tresnarik jotzen ere ez zekiten, baina lan bikaina plazaratu dute, ‘Sustraietatik’ izenburupean.

Juan Luis Torralbaren margo erakusketa zabaldu dute Elizondon

  Kultura  Baztan  Elizondo

Juan Luis Torralbaren margo erakusketa zabaldu dute Elizondon

Ekainaren 2tik 17ra ikusgai dago Arizkunenean

Juan Luis Torralba Antxordoki elizondarraren margo erakusketa zabalik dago Elizondoko Arizkunenea Kultur Etxean ekainaren 2tik 17ra. Astegunez 18:00etatik 20:30era eta asteburuetan 11:00etatik 13:30era eta 18:00etatik 20:30era ikusteko aukera izanen da.

Berroetako Mendekoste bestak egitarau zabalarekin datoz ekainaren 2tik 5era

  Kultura  Baztan  Berroeta

Berroetako Mendekoste bestak egitarau zabalarekin datoz ekainaren 2tik 5era

Egun handiko mezan Gaztelu Abesbatza eta Nafarroako Orkestra Sinfonikoko kideak izanen dira

Ekainaren 2an, ortziral arratseko 8etan botako den txupinazoarekin hasi eta asteleheneko zikiro eguneko zikiro eta xinger jateak bitarte, lau eguneko Mendekoste besta dotoreak prestatu dituzte Berroetan.

Baztango udako jostaldietan izena emateko epea zabalduko dute maiatzaren 31tik ekainaren 7ra

  Gizartea  Baztan

Baztango udako jostaldietan izena emateko epea zabalduko dute maiatzaren 31tik ekainaren 7ra

Erratzun uztailaren 17tik 28ra eta Elizondon uztailaren 31tik abuzturen 11ra eskainiko dira 

Euskara eta aisialdia uztartuz, aurten ere udako jostaldiak eskuaraz antolatu ditu Baztango Udaleko Euskara Zerbitzuak 3 eta 12 urte bitarteko haur eta gaztetxoendako. Apuntatzeko epea maiatzaren 31tik ekainaren 7ra zabakik dago, 012 telefonoaren bidez.

Belate eta Almandozko tunelak itxiko dituzte aste honetan gauero Irunerako norabidean

  Gizartea  Baztan

Belate eta Almandozko tunelak itxiko dituzte aste honetan gauero Irunerako norabidean

Mantenimendu lanak egiteko, 22:30etik 05:30era

N-121-A errepidean, Belate eta Almandozko tunelak Irunerako norabidean itxi eginen dituzte aste honetan (maiatzaren 28tik ekainaren 3ra) gauero 22:30etik 05:30era. Zehazki, tunelen barrenean mantenimendu lanak eginen dituzte eta hortaz, Irun aldera doazen ibilgailuek Belateko mendateko errepide zaharra, NA-1210 errepidea, erabili beharko dute. Iruñera doazenek tunelak erabiltzeko modua izanen dute.

Idazleekin Solasean ekimenaren baitan Aitziber Etxeberria izanen da Anizen

  Kultura  Baztan  Aniz

Idazleekin Solasean ekimenaren baitan Aitziber Etxeberria izanen da Anizen

Nomada liburuaz ariko dira solasean maiatzaren 31n, asteazken arratsaldeko 7etan 

Idazleekin Solasean (IX. Asanblada) ekimenaren baitan, Nomada liburuari buruz Aitziber Etxeberria idazlearekin solasteko aukera izanen da maiatzaren 31n, asteazken arratsaldeko 7etan Anizko elkartean.

Baztandarren Biltzarreko tonbolako boletoak salgai daude

  Gizartea  Baztan

Baztandarren Biltzarreko tonbolako boletoak salgai daude

Sariak elkartearen egoitzan eskuratu ahalko dira ekainaren 3tik aitzinera

Mantso-mantso hurbiltzen ari da Baztandarren Biltzarra besta, eta urtero gisa elkarteak boletoak atera ditu salgai. Boletoetan inguruko komertzioek emandako sariak eta elkarteak berak erositako sariak tokatzen ahal dira, eta baita besta egunean eginen den diru zozketan parte hartzeko zenbakiak ere.

Baztanekin zerikusia duten ikasketa akaberako lanendako laguntza berria eman du Balleko Etxeak

  Gizartea  Baztan

Nahikari Vesga Maisterrena amaiurtarrak eta Ainhoa Astiz Goñi lekaroztarrak 500na euro jasoko dituzte

Ikasketa akaberako lanak edo proiektuak diruz laguntzeko bigarren deialdiko laguntzak ebatzi berri ditu Baztango Udalak. Aurtengo onuradunak Nahikari Vesga Maisterrena amaiurtarra eta Ainhoa Astiz Goñi lekaroztarra dira.

 

Ekainaren 3an jokatuko diren Antxitoneako paleta goma txapelketako finalistak erabakiak

  Kirola  Baztan  Elizondo

Ekainaren 3an jokatuko diren Antxitoneako paleta goma txapelketako finalistak erabakiak

Bigarren mailan, Goñi eta Urrutia, Bidegain eta Sansiñenaren kontra ariko dira eta lehen mailakoan, Etxenike eta Baylon, Huarte eta Iñarrearen kontra

Elizondoko Antxitonea trinketeko paleta goma txapelketa azken txanpan sartua da. Maiatzaren 20an jokatu ziren final erdiak eta gisa honetara, ekainaren 3an lehen eta bigarren mailan finalistak zein izanen diren erabaki da.

Baztango kexen inguruko informazioa jasotzearen esperoan dago Gas Navarra

  Gizartea  Baztan

Horiek jasotzerakoan kasu bakoitza aztertu eta bezeroei zerbitzurik onena bermatzeko neurriak hartuko dituztela jakinarazi du

Irache Kontsumitzaile Elkarteak publikatutako oharraren inguruan, bertan aipatzen diren kexa eta erreklamazioei buruzko informazioa jasotzearen esperoan dagoela adierazi du Gas Navarrak. Propano gaseko instalazioak gas naturalera pasatzerakoan Baztango bezeroek izandako arazoak aipatzen ziren ohar honetan.

Elizondo Eskola Publikoak bertako produktuen aldeko sentsibilizazio kanpainarekin bat egin du

  Gizartea  Baztan  Elizondo

Elizondo Eskola Publikoak bertako produktuen aldeko sentsibilizazio kanpainarekin bat egin du

Maiatzaren 15etik 19rako astean ‘Zer jan, halako Baztan’ jardunaldiak egin dituzte

Elizondo eskola Publikoa, bertako produktuen aldeko sentsibilizazio kanpainaren barnean, “Zer jan, halako Baztan”, ikasle, irakasle eta familientzako jardunaldi-astea antolatu du, bertako produktuen kontsumoa bultzatzeko, ekonomia eta ingurugiro iraunkortasunaren alde. Maiatzaren 15etik 19ra bitarteko astean ekintza desberdinak antolatu ditu.

Nabarmenak

Zorion agurrak