Iruritako Gazte Elkarteak pilota jaialdia antolatu du bertze behin herriko bestetarako, eta bi partida izanen dituzte maiatzaren 9an, ortzeguna, 18:00etan Aranabia pilotalekuan. Hasteko Aspeko binakako partida izanen dute: P. Etxeberria eta Gaskue, De la Fuente eta Rezustaren kontra. Ondotik, Udaberriko Nafarroako Erremonte Txapelketako saioa izanen dute, Sagaseta eta Ion, Iturregi eta Otanoren kontra.
Jaialdiko sarrerak salgai daude dagoeneko, Iruritako Olarin eta Gizarte Bilgunean eta Elizondoko Mendin, 25 eurotan. Gainera, egun berean txartela leihatilan erosteko aukera izanen da.