Otsailaren 15etik 17rat ospatu dira aurten Urdazubiko ihauteriak. Urtero zita garrantzitsua izaten da urdazubiarrentzat, gogo biziz esperatzen baitira data hauek. Halere, egun horien aitzinetik, Urdazubi eta Zugarramurdiko eskolako haurrek otsailaren 13an eskolako ihauteriak ospatu zituzten.

Urdazubiarrek igandean hasiko dituzte ihauteriak eta igandeari begira buru-belarri dabiltza egunotan: urterokoak diren jantzi bereziei errautsa kentzen, mozorro berrien azken apainduak moldatzen eta heldu den egunetan kantatuko dituzten urteroko kantu zaharrak oroitzen. Hala, mozorroak jauntzi eta etxez etxe ibiltzeko «irrikitan» dagoen Angel Arozarena 29 urteko urdazubiarrarekin izan gara.