Europar Batasunaren POCTEFA 2021-2027 programak finantzatzen duen Uramuga proiektua azken fasean sartu da, bi azterketa teknikorekin, eta zortzi hilabetean bukatuko da. Lehenengoak Urdazubiko Dantxarinea auzoak eta Ainhoak partekatzen duten saneamendu sarea nola hobetu aztertuko du, eta bigarrenak, berriz, mugaren bi aldeetan edateko ura banatzeko interkonexioak aztertuko ditu.

Biok Taldeak iragarri du Grimexco Holding erosi duela, elikaduraren sektorean ibilbide «sendoa» duen sozietate gipuzkoarra. Erosketa honekin, Biok Taldeak nazioarteko dibertsifikazio eta hedapenerako plan estrategikoa sendotu du, bere egituran bi konpainia gehituz: La Finca del Jamón eta Derhel.