Bederatzi talde ariko dira lehian larunbatean 17:00etan hasita Baztan pilotalekuan

Nafarroako launakako sokatira txapelketako lehen bi txapelak banatu ziren joan den larunbatean Barasoainen, emakumezkoen eta gizonezkoen pisu astunetakoak (Beti Gaztek eta Berriozarrek jantzi zituzten, hurrenen hurren). Larunbat honetan, apirilak 27, berriz, txapelketa mistoa jokatuko da Elizondon.

Uni Bilbao Rugby taldea izanen du arerio, larunbat honetan Lekarozen eta maiatzaren 5ean Bilbon

Euskal ligako lehen mailako hasierako fasean laugarren izan zen BRT Menditarrak errugbi taldeak eta horrek, txapeldun izateko play-offetan jokatzeko aukera emanen dio. Lehen kanporaketa, hasierako fasean hirugarren izan den Uni Bilbao Rugby taldearen kontra jokatuko du. Joaneko partida apirilaren 27an, larunbatean 17:30ean jokatuko dute Lekarozen eta itzulerakoa Bilbon maiatzeko lehen asteburuan.