Gure Txokoak benjamin mailako taldeentzat torneoa antolatu du maiatzaren 1erako

Ttipi-Ttapa 2024ko api. 16a, 12:00

Berako Matzada futbol zelaia benjamin mailako futbolarien bilgune bihurtuko da maiatzaren 1ean, asteazkena. Herriko Gure Txokoa elkarteak torneoa antolatu du eta Gure Txokoako bi talde, Beti Gazteko talde bat, Baztango bi talde, eta Realeko, Arnedoko, Alfaroko eta Calahorrako talde bana ariko dira.

Goizean hasi eta iluntzera arte ariko dira futbolean, eta partida bakoitzak 12 minutuko bi zati izanen ditu. Tartean, bazkaltzeko geldialdia eginen dute Zubiondo jatetxean. 14 euroko menua izanen dute aukeran, eta izena eman nahi dutenek apirilaren 21era arteko epea izanen dute. Horretarako, taldeko arduradunak mezu bat bidali beharko du 676 52 33 65 zenbakira.

Hiru multzotan ariko dira. A multzoan Gure Txokoa A, Baztan A eta Arnedo ariko dira; B taldean Beti Gazte, Real Sociedad eta Calahorra eta C taldean Baztan B, Gure Txokoa B eta Alfaro.

Irabazten den partida bakoitzeko 3 puntu lortuko ditu talde bakoitzak, berdinketak puntu bat emanen du, eta galtzen dutenek ez dute punturik hartuko. Gainera, partida guztietan 3 penalti botako dituzte, eta hutsik ez den kasuan talde batek huts egin arteko ariko dira penaltietan. Aldaketei dagokionez, zati bakoitzean aldaketak egiteko bi zati izanen dituzte.

Goizeko partidei dagokionez, 10:15ean hasiko dira, bi zelaietan aldi berean.
HASIERAKO FASEA
  1. zelaia 2. zelaia
10:15 Gure Txokoa A Baztan Baztan B Gure Txokoa B
10:50 Beti Gazte Real Sociedad Baztan B Alfaro
11:25 Gure Txokoa A Arnedo Beti Gazte Calahorra
12:00 Real Sociedad Calahorra Gure Txokoa B Alfaro
12:35 Baztan A Arnedo    

Goizeko partiden ondotik, behin behineko sailkapena osatuko dute multzoka.  Lehen postuan puntu gehien dituzten taldeak sailkatuko dira (A1,B1 eta C1), bigarren postuan multzo bakoitzean bigarren puntu gehien dituena (A2, B2 eta C2) eta hirugarren postuan multzo bakoitzean puntu gutxien dituztenak (A3, B3, C3). Arratsaldean, sailkapena oinarri hartuta ariko dira.

Honakoa hauek izanen dira arratsaldeko partidak:

BUKAERAKO FASEA
  1. zelaia 2. zelaia
16:00 A1 B1 B3 C3
16:35 A2 B2 A3 B3
17:10 A1 C1 A2 C2
17:45 A3 C3 B2 C2
18:20 B1 C1    

Ondotik, 19:00etan eginen dute sari banaketa. Azken sailkapenean bi talderen edo gehiagoren arteko berdinketa gertatuz gero, honako hauek izanen dira berdinketa ebazteko irizpideak:

  1. Elkarren arteko partiduko emaitza
  2. Gol average orokorra
  3. Gol kopuru handiagoa alde
  4. Penalti jaurtiketetako puntuazioa
  5. Zozketa
Kirola Bortziriak Bera

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun