Lesakako Arkupe Pilotazaleen elkarteak, Lesakako Udalaren laguntzaz hirugarren urtez antolatutako eskuz binakako pilota txapelketa azken txanpan sartua da. Gaur, ortzeguna, jokatuko dituzte senior mailako finalerdiak, eta ortziralean, otsailaren 20an, falta diren hiru kategorietako finalerdiak jokatuko dituzte. Honela, otsailaren 28an jokatuko diren finaletan zein bikote izanen diren jakinen da ortzirale arratsean.

Iruñeko Alde Zaharreko erremonte profesionaleko txapelketa - Construcciones Mariezkurrena Sari Nagusiaren aurkezpena egin dute asteazken arratsaldean. Parte hartuko duten erremontistekin batera, Arantxa Arregi Doneztebeko alkatea, Andrea Lusarreta Nafarroako Pilota Federazioko presidentea, Euskal Jai Erremonte Fundazioa E•Remonte enpresako ordezkariak, Mariezkurrena eraikuntza enpresakoak eta Elgorriaga bainuetxekoak izan ziren aurkezpen ekitaldian.