Nafarroako Gobernuak hitzarmena berritu du Euskal Artzainak Ameriketan elkartearekin, XIX. mendearen amaieran eta XX. mendearen erdialdera arte, batez ere Amerikako Estatu Batuetara, emigratu zuten milaka nafarren errealitatea Nafarroan zabaltzeko. Euskal Artzainak Ameriketan elkartearen izenean, bere presidente Laura Igantzik berretsi du hitzarmena, Nafarroako Gobernuko lehendakariorde eta Memoria eta Bizikidetzako, Kanpo Ekintzako eta Euskarako kontseilari Ana Ollorekin. Kanpo Ekintzako zuzendari nagusia, Sergio Perez, ekitaldian izan da.

Arkupeak elkarteko mendi taldeak hilabeteroko txangoa egin du maiatzaren 20an. Eguraldiarekin kezka baldin bazuten ere, astearteko eguraldi ederra aprobetxatu eta Hondarribiko Guadalupe ingurutik abiatu eta Jaizkibel mendian ibili ziren 75 mendizale, aunitzetan Kantauri itsasoaren bazterrean. Ibilbide polita egin zuten eta indarrak berreskuratzeko, Berako Zalain jatetxean beti bezain ederki bazkaldu zuten. Irudiak: Joxe Zubieta