Etxalarko Turismo Bulegoko Jabier Iriartek azaldu duenez, «herriko turisten profila aldatu egin da azken urteetan. Lehenago euskaldunak, estatukoak eta gehienez ere frantsesak etortzen ziren, baina orain Europako bertze herrialdeetatik ere etortzen dira, alemaniarrak, holandarrak eta ingelesak batez ere. Gainera, uda partean gazte motxilero aunitz ibiltzen dira GRa egiten».