Batzordearen helburua «bertako turismoa, dendak eta zerbitzua bultzatzea da, zubi lanak eginez eta laguntza emanez. Aunitzetan bisitariak etortzen dira baina ez dute hemen kontsumitzen, horregatik turismo bulegoa indartu nahi dugu. Herria bizirik mantendu nahi badugu zerbait egin beharra dugu».
12 lagun inguru biltzen dira batzordean; «dendariak, ostalariak, Ibardingoak, landetxe eta zerbitzuetakoak… baita alkatea eta zinegotzi batzuk ere. Udaletxeko batzorde guztiak bezala, herritar guztientzako irekia dago eta proposamenak aditzeko prest gaude. Dirulaguntzak errazago lortzen dira udaletik eskatzen badira, eta elkarlanean gehiago eginen dugu».
Komertzio ttikien egoera «larria» da Beran eta Baztan-Bidasoan, «eta hori kontzientziazioarekin hobetu daiteke. Ez badugu bertan kontsumitzen, poliki-poliki itxiko dira. Beti ez da posible izanen herrian erostea, baina lehenbiziko saiatu egin behar dugu».