«Bisitariak artatzea» da teknikariaren lan nagusia; «aunitzek deitu edo idatzi egiten digute galderekin. Inguruan turismoan jarduten dutenak, landetxeak dituztenak edo bisita gidatuak ematen dituztenak ere etortzen dira».
Udan eta Aste Santuan izaten dituzte bisitari gehien, «eta pandemia aurreko datuetara bueltatzen ari gara: urtean 25.000 pertsona inguru etortzen dira turismo bulegora. Asteburuetan inguruko jendea etortzen da batez ere, baina oporretan madrildarrak eta katalanak dira nagusi».