Bokatak, plater konbinatuak, pizzak, menuak, karta, mendizaleentzako menuak, eramateko janaria… eskaintza zabala dute. «Ahate entsalada, bildotsa eta azpizuna foierekin dira etxeko espezialitatea, eta semeak arraina hagitz ongi egiten du. Postreak ere denak etxekoak dira».
Otorduak ez ezik, bestak ere egiten dituzte jatetxean; «ekainaren 17an kubata besta antolatu genuen eta adituak ekarri genituen edariak egiteko». Azaldu duenez, «gauza berriak egin behar dira gibelean ez gelditzeko». Azken berrikuntza terraza berritzea izan da jatetxean, maiatzean ireki zutena. «Pandemiaz geroztik jendeak kanpoan nahi izaten du egon, zakurrarekin egoteko, erretzeko… 25 bat lagunentzako tokia dugu terrazan».
