Urdazubiko lezeetan egiten du lan Goio Hualdek, eta azaldu duenez, «ohiturak aldatu dira, eta gaur egun leku aunitz fite ikusi nahi ditugu, ailegatu eta sartu, zain egon gabe. Horregatik da hain inportantea lezeetara etorri aitzinetik erreserba egitea, bisitak nahi diren orduan eta hizkuntzan egin ahal izateko. Interneten cuevasurdax.com atarian hartzen ahal dira sarrerak».
Bisitari aunitz izaten dituzte garai honetan, «ekainean bertako jendea etortzen da gehienbat; eskolak, jubilatuak… eta uztailean kanpotar gehiago etortzen dira; Kataluniatik, Madrildik, Valentziatik, Andaluziatik eta baita Frantziatik ere. Leku onean daude kokatuak lezeak».
Bisita gidatuez gain, denda ere badaukate, «eta oroigarriak saltzen ditugu, baita bertako produktuak ere: Urdazubiko gasna, Baztango marmelada, eztia, ardo xuria eta pomadak… hemen egindakoak».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.