Info gida 2023

Aisialdia eta Gastronomia Gida argitaratu du aurten ere Ttipi-Ttapak

Ttipi-Ttapa 2023ko mar. 20a, 17:00
Eskualde osoko informazio interesgarria biltzen du Ttipi-Ttaparen Aisialdia eta Gastronomia Gidak.

Turistak ibiltzen diren tokietan banatu dira 8.000 ale, eskualde osoko informazioarekin

Baztan, Bidasoa, Mendialdea eta Xaretako Aisialdia eta Gastronomia Gida argitara eman berri du Ttipi-Ttapak. Bertan, inguru honetako 130 bat jatetxe, ostatu, komertzio eta aisialdirako enpresen eskaintzaren berri ematen da 88 orrialdetan bakoitzak eskaintzen dituen berezitasunak eta zerbitzuak azalduz hiru hizkuntzatan, euskaraz, gaztelaniaz eta frantsesez. Baztan-Bidasoa-Xareta-Mendialdeko mapa bat ere badu.

8.000 ale argitaratu dira, azken urteetan bezala, turistak ibiltzen diren tokietan banatu direnak, jendeak har dezan eta bazkaltzeko, afaltzeko edo bertzelako planak egiten lagungarri izateko. Era berean, iragarkia jarri duen establezimendu bakoitzean ere utzi dira ale batzuk bezeroen artean banatzeko.

Gainera, iaz bezala, iragarle diren zerbitzuen arduradunekin elkarrizketak argitaratzen hasi dira Ttipi-Ttapa aldizkarian eta erran.eus webgunean, 0KM goiburupean.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun