Sarako Idazleen Biltzarra ere gibelatu dute
Koronabirusa

Xareta Sara

Apirilaren 13an eta 14an egitekoa zen aurten 37. aldiz Sarako idazleen biltzarra. Koronabirusa tarteko, ordea, gibelatzea erabaki dute. Sarako Biltzarreko lehendakaria den Jean-Michel Garatek adierazi duenez, «osasun-baldintzak onak izanen direlarik berriz antolatuko dugu».

Herriko bozen bigarren itzulia gibelatu dute
Koronabirusa

Xareta Sara

Joan den igandeko lehenbiziko itzuliaren ondotik, bozak erabaki gabe gelditu ziren herrietan, tartean Senperen, igandean, martxoak 22, egitekoa zen bigarren itzulia. Emmanuel Macron Frantziako presidenteak, ordea, atzo ilunabarrean iragarri zuen koronabirusa dela eta, ez direla igandean eginen. Baina ez du zehaztu noiz eginen diren. Édouard Philippe lehen ministroak, berriz, ekainaren 21era gibelatzea proposatu du.