Akitania Berriko errugbi ligako lehen fasea bukatuta, kategoria guztietako finalak jokatuko dituzte aste hondar honetan. Apirilaren 6an, larunbatean Bidarten jokatuko dituzte hirugarren eta bigarren mailako finalak. 15:00etan bigarren mailako finala jokatuko dute Sarako Izarrak eta Azkainek eta segidan, 17:00etan, bigarren mailakoa Senpereko SPUC eta Ustaritz-Jatxou taldeek.
Ligan ere elkarren kontra arituak dira Sarako Izarra eta Azkaine. Bakoitza bere herrian nagusitu zen (basurdeek 12-9 irabazi zuten Animainean eta azkaindarrak 11-6 gailendu ziren Azkainen) eta orain, finalean, zelai neutralean neurtuko dituzte indarrak.
Apirilaren 7an, igandean, bertze bi finalak jokatuko dituzte Biarnon, Paue ondoko Billère herrian. 14:30ean erregionaleko erreserben finala jokatuko dute Bidart eta Biarnoko Lembeye taldeek eta 16:30ean lehen mailako finala Biarnoko Arudy eta Escou Lasseube taldeek.