VI. Arretxekobordako Kronoigoera lasterka eta bizikletaz egin dute Sunbillan
2017-08-07 10:25 Kirola Malerreka Sunbilla
Larunbateko proban 28 kirolarik parte hartu zuten
Arretxekobordako Kronoigoera abuztuaren 5ean egin dute Sunbillan. Urtetik urtera partaidetza haunditzen ari da, lasterka nahiz bizikletaz. 28 kirolarik parte hartu zuten eta txandaka ateratzen ziren bi minutuko tartea utzita. Erran beharra da aurtengoan haur koxkor kuadrillak parte hartu zutela.
Hirugarrena segidan lortu du Irurita Miguelenek Baztan-Errekako Laxoa txapelketan
2017-08-07 08:59 Kirola Baztan Irurita
Abuztuaren 5ean Doneztebeko Bear-Zana plazan jokatutako finalean 9-4 irabazi zion Irurita Biek taldeari eta hamabigarren aldiz Iruritara joan da txapela
Baztan-Errekako 38. Laxoa txapelketaren finala jokatu zen abuztuaren 5ean Doneztebeko Bear-Zanan eta azken bi urteetan bezala, Irurita Migelene suertatu zen txapeldun, Irurita Biek taldeari 9-4 irabazita.
Buruz buruko erremonte txapelketa aurkeztu dute
2017-08-03 08:07 Kirola Mendialdea
Lauko ligaxka jokatuko dute eta finala irailaren 9an izanen da
35. Buruz-Buruko Erremonte Txapelketaren aurkezpena egin zuten abuztuaren 2an, asteazken eguerdian Galarretan. Lau erremontelarirekin jokatuko da txapelketa. Urriza, Barrenetxea IV eta Xanti Uterga seguruak dira txapelketan. Laugarren erremontelaria aurrez jokatzen ari diren partidetatik ateratzen dena izanen da. Abuztuaren 5ean Ezkurra II Segurolaren kontra ariko da eta abuztuaren 8an, irabazlea Endikaren kontra ariko da. Irabazlea sartuko da txapelketan.
Xanti Utergak eta Barrenetxea IV.ak irabazi dute Nafarroako erremonte txapelketa
2017-07-31 11:01 Kirola Malerreka Doneztebe
Zubirin uztailaren 30ean jokatutako finalean 35-28 irabazi zieten Urriza eta Joxe Etxeberria III.ari
Xanti Uterga doneztebarrak eta Barrenetxea IV.ak irabazi dute Nafarroako erremonte txapelketa. Uztailaren 30ean, igande arratsaldean Zubirin jokatutako finalean 35-28 irabazi zieten Urriza eta Joxe Etxeberria III.ari. Utergaren lana nabarmendu zen aitzineko koadroetan, 20 tanto egin baitzituen, huts bakarrarekin.
Berriozar nagusitu da herriz herri txapelketako bigarren jardunaldian Beran
2017-07-31 10:08 Kirola Bortziriak Bera
Hirugarren jardunaldia abuztuaren 15ean jokatuko dute Etxalarren
Nafarroako Herriz Herri Txapelketaren bigarren jardunaldia jokatu zen Beran uztailaren 30ean. Elizondoko lehenbiziko jardunaldian bezala, Berriozar nagusitu zen bi proba konbinatuetan.
Muruzabal taldeko Mikel Retegik irabazi du Berako XiV. Txirrindularitza Saria
2017-07-31 09:23 Kirola Bortziriak Bera
44 txirrindularik parte hartu zuten eta horietatik 17k bakarrik bukatu zuten
Berako XIV. Saria txirrindularitza Saria egin zen uztailaren 30ean, Gure Txokoak antolatua. Kadete mailako txirrindulariek 44 kilometroko ibilbidea osatu behar zuten. 44 txirrindularik parte hartu zuten eta horien artean, Muruzabal taldeko Mikel Retegi nagusitu zen.
_profile_sidebar.jpg)
17 hirukotek parte hartu dute VIII. Alkaiaga Trail lasterketan
2017-07-26 10:53 Kirola Bortziriak
Berako Irene Almandoz, Arantzako Asier Apezetxea eta Unai Santamaria hernaniarra suertatu ziren garaile
Hamazazpi hirukotek parte hartu zuten uztailaren 22an Manttale Mendi Lasterketa taldeak zortzigarren aldiz antolatutako Alkaiaga Trail lasterketan. Partaide gehienak beratarrak ziren arren, Bortzirietako bertze herrietatik eta Iparraldetik ere animatu ziren. Berako Irene Almandoz, Arantzako Asier Apezetxea eta Hernaniko Unai Santamaria suertatu ziren garaile Alkaiaga auzoko bestetan erreleboka jokatzen den lasterketa honetan (50.49).
Joseba Beola eta Joxelu Iratzoki nagusitu dira Lesakako XIV. Rallysprintean
2017-07-26 10:19 Kirola Bortziriak Lesaka
Agiñako errepidean egindako lau txandetan nagusitu ziren
Larunbat honetan, uztailak 22, egin zen Lesakako hamalaugarren Rallysprint auto lasterketa, Agiñako errepidean. Ilargi Sport eskuderiak, Nafarroako Automobilismo Federazioarekin batera antolatutako rallya asfalto gaineko Nafarroako asfalto gaineko Rally txapelketarako, Nafarroako Junior Sariketarako eta Errioxako Rally txapelketarako ere baliagarria zen. Ilargi Sport eskuderiako Joseba Beola gidari beratarrak eta Igantziko Joxelu Iratzoki kopilotoaren Mitsubishi Lancer Evo X autoa nagusitu zen, lau txandetan denborarik onena egin ondotik.
Udako Kirol Eskola berreskuratu du Doneztebeko Erreka elkarteak
2017-07-21 08:54 Kirola Malerreka Doneztebe
Uztailaren 31tik abuztuaren 24ra
Erreka Kirol Elkarteak udako Kirol Eskola berreskuratu du (argazkia 2012koa da). Ekimen hau uztailaren 31tik abuztuaren 25era eginen da (astelehen, asteazken eta ortziraletan 11:00etatik 12:00etara eta 12:00etatik 13:00etara), 6 urtetik goitiko neska-mutikoei zuzendua. Honen inguruan, bilera uztailaren 26an, asteazken goizeko 11etan eginen dute Doneztebeko Ezkurra pilotalekuan.
Ane Petrirena atleta sunbildarra Europako txapeldun izan da
2017-07-17 17:37 Kirola Malerreka Sunbilla
Espainiako selekzioarekin, 23 urtez beheitiko kategorian 4x100 lasterketa irabazi du
Poloniako Bydgoszcz hirian egin duten Europako 23 urtez beheitiko atletismo txapelketan urrezko domina historikoa lortu du korrikalari sunbildarrak Espainiako selekzioarekin, 4x100 errelebo lasterketan uztailaren 16an.
Nafarroako harrijasotze txapelketa irabazi du Josetxo Urrutia leitzarrak
2017-07-17 08:52 Kirola Leitzaldea Leitza
5.250 kilo altxatu zuen Iruñeko Sanferminetako azken jardunaldian
Ingude altxatzen bezala, harri jasotzen ere Josetxo Urrutia leitzarrak irabazi zuen Nafarroako txapela uztailaren 14an, Iruñeko Sanferminetako azken herri kirol txapelketan. Denera 5.250 kilo altxatu zuen Urrutiak (20 altxaldi 125 kiloko zilindroari, 12 altxaldi 112,5 kiloko kubikoari eta eta 14 altxaldi 100 kiloko bolari). Xabier Ariztegi Santxin etxalartarra bigarren izan zen, 4.925 kilo altxatuta eta Iruñeko Albaro Zugarrondo hiruharrem, 4.100 kilorekin.
Nabarmenak
_admin_thumbnail.jpg)
