Euskaldunon lan astea
2018-02-15 13:17
Iritzia
Abendu hasierako zubietan aditu edo leitu dut norbaiten proposamena: aste tartean suertatzen diren jai-egunetako zubiak aste hasiera edo bukaerara biltzea, hainbertze lan-egun ez galtzeko. Nik, bertze proposamen bat eginen nuke, Euskal Herritik Mundura! Izan ere, euskara aberatsa eta jakintsua da: Aste-lehena, aste-artea eta aste-azkena lanerako. Bertze lau egunak asteburu! (ez da zeri!)
Nobel Sari bat Euskal Herrira!
2018-02-15 13:01
Iritzia
Arras bistakoa da, hala ere, nik orain ozenki erranen dut: Nobel saria hartzeko meritu aunitz daukaten fenomeno batzuk baditugu Euskal Herrian. Pertsona horiek olerkiak egiten dizute, kantak konposatzen dituzte, filosofia ttanttak botatzen dituzte, eta umore kolpe politak sortzen dituzte. Baina meritoa ez da horretan bakarrik. Olerkiak, kantak, umorea edo filosofia edozeinek sortzen ahal ditu… Ez, ez. Meritoa bertze bat da: guzti hori dena batera egiten dutela, eta izugarri ongi egiten dutela, eta bapatean egiten dutela, eta milaka jenderen aintzinean egiten dutela! Horixe da, bai, asmatu duzue: bertsolariei buruz ari naiz. Hitzekin ia-ia magia egiten duten horiek (magoek txapel batetik lapin bat ateratzen duten gisan, hauek beren ahotik bitxiak botatzen dituzte). Hain fama haundia daukaten Nobel sariek, prestigio handiko lanak egiten dituzten pertsonak ezagutzera ematen dituzte. Zoritxarrez, bertsolariek egiten duten lana biltzen duen atalik ez daukate, beraz, Suediako Akademiari hauxe proposatzen diot: heldu den urterako Nobel sarien lehiaketan, bertze sari bat sortzea: bertsolaritzarako. Maialen Lujanbio txapeldun izan genuen. Ea laister Nobeldun ikusten dugun!
Gaixoa ni, gaiztoa zu
2018-02-09 14:39
Iritzia
Hitz joko hau gogotu zitzaidan jarrera asertiboa azaldu nahian ari nitzela, gure hizkuntzaren bitxikeriak. Bakoitzaren eskubideak defendatzea, urkoa erasotu gabe, omen da asertibitatea azaltzeko modu bat.
Errate baterako, barride, lagun, ezagun edo edozein delako batek, gure eremuan sartu (berdin fisikoan edo harremanetan) eta gure gogoko ez dena erran edo egiten duenean da aukera modu asertibo hori erabiltzeko. Eta ezta ez gero erraza. Asertibitatea bi muturren erdibidea da: pasibitatea edo geldotasuna eta agresibitate edo oldarkortasunaren artekoa. Alegia, batzutan ezatsegin dugun hori egiten digutenean, eztabaidan ez sartzeagatik, isildu egiten gara, irentsi, eta gero barrendik edo bertzeekin harendako amorrua kanporatzen aritu. Gero, afera denboran luzatzen denean, express eltzeak bezala presioa hartu eta azkeneko lehertu eta jasaten egotetik erasora jotzen dugu.
Hortxe ba koska, letra bat, “t” bat bertzerik ez, pasibitatea “gaixoa ni” litzeke, eta agresibitatea “gaixtoa zu”, erdibideko horreri nola erranen genioke? Nahi baduzue bilatu...
Diru zakarrak bihotzik ez du
2017-04-15 07:00 Iritzia Bortziriak BeraBertze manera batean erakutsi diote atea. Erran diote lanpostua tokiz aldatu behar diotela, eta heldu den astetik aitzinera enpresa beraren Madrilgo faktorian hasi beharko duela. Nagusiek ez dute botako gure laguna.
Legeak egitea eta betetzea
2017-04-08 07:00
Iritzia
Hara legearen tranpa. Legearen ustezko santutasuna, eta ondoriozko nagusitasuna agintarien botere makila bilakatzen da dira. Legeak eurek sortu, eurek aldatu, eta betearazi edo ez betearazi eurek erabakitzen baitute.
Judit Inda-Gazteluko gaztea
2017-04-02 07:00
Iritzia
«Gerrak amaitzearekin egiten dut amets. Aski da inongo kulparik ez duen jendea kaltetzeaz».
Iparra galduta
2017-03-30 09:15
Iritzia
Ttipi-ttapak eskualde zabala hartzen du bere baitan. Leitzatik hasi eta Senpererat. Saratik Erratzurat, Aresotik Berarat. Eta hala ere, anitzetan, Bortzirietatik zeinen urrun sentitzen ditugun Sara eta Leitza.
Nabarmenak
