Olentzero, Urtats eta inauteak: hilabete eskasean hiru 'eskealdi' izaten dira Anizen. Errege ondoko asteburua deskantsatu ondotik, ilbeltzaren 17 eta 18an inauteen txanda izan da.

Ilbeltzaren 18an eskualdeko lehenbizikoetariko inauteriak izanen ditugu Anizkoak. Ortziralean, 17an, aniztar eta berroetarrek elkartean afaria eginen dute, biharamunean, berriz, gosaria. Gosaldu ondotik, etxez etxe ibiliko dira soinuarekin puxkak biltzen: arroltze, xingar, xixtor... Egun guztia etxez etxe ibili ondotik, bildutako puxkekin afaria eginen dute.