Zenbaiti gaua bixkorki luzatu zitzaien, eta biharamuneko hitzordurat ailegatzeko neketan ibili baziren ere, 09:00etako elkartean zeuden etxez etxe ibili ziren gehiexkoenak. Gosaldu ondotik, 11:30 aldera abiatu ziren Bordaxuri aldera Nahia eta Jasone musikariekin. Etxeetan puxkak bildu, solasean, kantuz, dantzan... giro ezin hobean egon ziren gazte eta ez hain gazteak. 11:30ean Bordaxurin hasi zuten ibilbidea 12 orduz luzatu zen hondar etxeraino, Jauregiraino. Jauregitik, gauerdian itzuli ziren elkarterat bestari segida emateko.
Heldu den asteburuan bestak segida izanen du, baina hontakoan aniztarrak izanen dira Berroetarat joanen direnak.
