«Eguraldi kaskarra arras, toki guzietan bezala, baina giro ederrean eta kontent», halaxe pasatu dituzte inauteak gartzaindarrek. Eskerrak eman dizkiote Izaskun Iparragirre akordeoilariari, eta heldu den urtekoei begira gelditu dira herriko gazteak, eguraldi hobea eginen duelakoan.

Argazkiak: Aritz Elizegi

Herri Txiki Infernu Handi telebista saioak 12. denboraldia estreinatu berri zuen pasa den igandean. Denboraldi berria hasteko leku ezin hobera etorri ziren Mikel Pagadi eta Miren Nogales aurkezleak, Gartzainera.