Lesakako Arkupe Pilotazaleen elkarteak, Lesakako Udalaren laguntzaz hirugarren urtez antolatutako eskuz binakako pilota txapelketa aitzinera doa eta igande honetan jokatuko dituzte infantil mailako final laurdenak Iruritan eta benjamin mailako final laurdenak Legasan. Neskak ere lehian sartuko dira ortziralean eta igandean Lesakan eta mutiko alebinen lehen jardunaldia ere jokatuko dute igande goizean Lesakan. Kadete eta gazte mailako final laurdenak, berriz, otsailaren 8an jokatuko dituzte.

Lesakako Arkupe Pilotazaleen elkarteak, Lesakako Udalaren laguntzaz hirugarren urtez antolatutako eskuz binakako pilota txapelketan gazteenen mailetako hirugarren jardunaldia jokatu dute urtarrilaren 25ean. Igande goizean, jubenil mailakoak Donezteben, kadete mailakoak Lesakan eta infantil mailakoak Iruritan aritu dira. Benjaminak ere hasi dira Legasan.