Bartzelonako Vacarisses herriko herritarrekin batera, aurten ere Calçotada ospatzeko intentzioarekin dira Legasan. Aurtengoa laugarren edizioa izanen da eta martxoaren 21ean egin dute hitzordua, larunbatarekin.
Egun horretan, calçota edo Kataluniako tipula klasea dastatzeko aukera izanen da. Beti bezala, Vacarisses herrikoak izanen dira produktuak ekarri eta prestatuko dituztenak. Eguraldi eguzkitsua baldin bada, kanpoan bilduko dira, eta bertzela, elkartean eginen dute otordua.
Joan nahi duenak Jexuxi edo Korori jakinarazi behar dio, ortzirale hau, martxoaren 13a, baino lehen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.