Muserako aukerak zabalduz, Igantziko Biltoki eta Sunbillako Ulibeltzak elkarteak elkarlanean hasi dira. Lehenbiziko aldiz, mus txapelketa antolatu dute elkarrekin eta martxoaren 6an, ortziralean jokatu zuten lehen jardunaldia Sunbillako Ulibeltzak elkartean. Hemezortzi bikotek hartu zuten parte, bi herrietako ordezkaritza ederrarekin. Pattere Galtzagorri eta Nieves Biurrarena izan ziren lehen saio hionetako irabazleak, finalean Haritz Bereauri eta Xabier Mariezkurrenari irabazita.
Hirugarren posturako lehian, Markel Agestak eta Julen Lazkanok irabazi zieten Agurtzane Zubietari eta Urko Ibarrari.
Txapelketa honetako parte hartzaileek puntuazio bat eskuratuko dute, jardunaldi bakoitzeko sailkapenaren arabera: lehenengoak 4 puntu, bigarrenak 3 puntu, hirugarrenak 2 puntu eta laugarrenak puntu bakarra. Hurrengo saioa noiz izanen den aitzinerago abisatuko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.