Martxoaren 14an egitekoa zuten Enduro Txiki Pest probaren lehenbiziko edizioa. Izen emateak beteta, 100 parte hartzaile espero zituzten. Antolatzaileek hasieratik esana zuten, probaren eguna gerturatu ahala eguraldi iragarpenak aldekoak ez baziren atzeratu eginen zutela, eta hala gertatu da. Apirilaren 19rako egin dute hitzordu berria.
Izena eman eta data berrian joateko modurik ez dutenek, uko egiteko aukera izanen dute, antolatzaileei jakinarazita. Libre gelditzen diren dortsalekin, izena emateko epea aurrerago irekiko dute.