Bidenabar Baztango musika taldea osatzen duten hiru lagunak elkarrizketatuko ditu aste honetan Mirari Martiarena Iraolak Euskal Telebistako Hitzetik Hortzera saioan. Ane Fagoaga Izquierdo, Kattalin Arizmendi Andueza eta Malen Alzuart Aranburu baztandarrak duela hiru urte hasi ziren abesteko elkartzen eta kontzertuak ematen eta, orain, euren lehenengo lana grabatzekotan dira. Momentu berezi honetan elkarrizketatu ditu Hitzetik Hortzera saioak, eta orain arteko bizipenei, kontzertuei eta sortze prozesuari buruz ariko dira.
Ane Fagoaga, Kattalin Arizmedi eta Malen Alzuart izanen dira elkarrizketatuak larunbatean ETB-1eko saioan
Fagoaga, Arizmendi eta Alzuart hirukoak musika taldea osatzeaz gain, hirurek dute bertsoarekin lotura: Baztango Bertso Eskolako kideak dira. Fagoagak eta Alzuartek, gainera, Bardoetan parte hartu izan dute, eta esperientzia horri buruz arituko dira programan. Musikak ematen dienaz gain, bertsoak ematen dienaz ere hitz eginen dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.