Urteko azken eguna lasterka eginez bukatzeko aukera izanen da aurten ere eskualdean. Donezteben, Elizondon, Leitzan, Lesakan eta Sunbillan San Silvestre lasterketak antolatu dituzte. 

Nafarroako Gorengoen mailatik Autonomikora igan zen azken denboraldian Doneztebe futbol talde nagusia, liga ederra egin ondotik. Halakoetan, maila berrira egokitzea eta kategoria eustea izan ohi da helburua, baina koxka hori ederki gainditu du Gorka Labordak bigarren urtez zuzentzen duen taldeak. Ligaren herena jokatuta, partida bakarra galdu du, Baztanen kontrako derbia hain zuzen, eta zaleak nahiz jokalariak, zeharka bada ere, hirugarren mailara igatearekin amets egiten hasiak dira.