Lesaka - Erran.eus

Urteko azken Ekomerkatua eginen dute abenduaren 6an Iruñean

Ttipi-Ttapa abe 04, 14:00 Mendialdea

Urteko azken Ekomerkatuak CPAEN/NNPEKeko hainbat ekoizle bilduko ditu abenduaren 6an, larunbatean 10:00etatik 14:00etara Iruñeko autobos geltoki zaharrean, eta beren produktuak salgai jarriko dituzte, Nafarroako produktu ekologiko ugari etxera eramateko aukera eskainiz: Erratzuko Pittika gazta, Lizarraldeko olioa eta lekaleak, Arbeizako eztia, Imotz Haraneko arrautzak, Munarrizko patatak eta lekaleak eta Iturgoieneko gaztak edo Caparrosoko sasoiko barazkiak, bertzeak bertze. Gainera, hilabete honetan Irunberriko Azpea Upaitegiaren ardoa eta Valentziatik Horta de Ximoren laranjak, mandarinak, limoiak eta kaki ekologikoak izango ditugu postu gonbidatuak bezala.

Mairu Antzerki Tailerrak ikuskizun berria taularatuko du abenduaren 6an Lesakan

Ttipi-Ttapa abe 04, 08:00 Bortziriak Lesaka

Lesakako Mairu Antzerki Tailerrak, Lesakako Udalaren eta Arrano elkartearen laguntzarekin antolatutako Keinu Leihoak antzerki zikloaren hogeita batgarren edizioa joan den igandean abiatu zen. Lehen emanaldi horren ondotik, abenduan bertze hiru antzezlan ikusgai izanen dira zikloaren barrenean, tartean, Mairu Antzerki tailerraren azken lana, Pinpilinpauxa horiak. Abenduaren 6an, ikusgai izanen da, larunbatean 19:00etan Harriondoan. Gaizka Sarasolaren testuan oinarrituta, Mairuk zuzendutako lana da, Manex Fuchsen laguntzarekin. Ritxi Abril, Josune Etxepare, Itziar Telletxea, Gaizka Sarasola, Juanen Saralegi, Ainara Ribera eta Iban Garro dira antzezle. Sarrerak salgai paratuko dituzte aitzinetik Xagun eta Telletxean (10 euro).