13.300 lagun bildu ziren atzo Iruñeko Nafarroa Arenan aurtengo Bertsolari Txapelketa Nagusiko finalaz gozatzera. Maialen Lujanbiok bere hirugarren txapela jantzi zuen, baina eskualdeko bi ordezkariak ere harro egoteko moduan dira. Saran bizi den Amets Arzallus bigarren gelditu zen eta Joanes Illarregi leitzarra ere ederki aritu zen bere lehenbiziko finalean. Zortzigarren postuan, kontent gelditu zen egindako lanarekin.