3.600 lagun elkartu ziren karunbatean Bilboko Bizkaia frontoian, Bertsolari Txapelketa Nagusiko azken finalaurrekoan. Amets Arzallus izan zen puntu gehien bildu zituen bertsolaria, 662 puntu. Horrela geratu dira besteen puntuazioak: Aitor Mendiluzek 661 puntu, Jone Uriak 637,5 puntu, Joanes Illarregik 621 puntu, Maddalen Arzallusek 609,5 puntu eta Saioa Alkaizak 608,5 puntu.
Finaleko zortzikotea erabakia
Larunbatekoa izan zen Bertsolari Txapelketa Nagusiko azken finalaurrekoa eta, beraz, erabakita gelditu zen zeintzuk izango diren abenduaren 18an Iruñeko Nafarroa Arenan kantatuko duten bertsolariak:
- Aitor Mendiluze Gonzalez
- Alaia Martin Etxebeste
- Amets Arzallus Antia
- Beñat Gaztelumendi Arandia
- Joanes Illarregi Marzol
- Maialen Lujanbio Zugasti
- Nerea Ibarzabal Salegi
- Sustrai Colina Acordarrementeria