‘Donezteben erosi, Donezteben bizi’ kanpaina abiatuko dute
Koronabirusa

Malerreka Doneztebe

Doneztebeko Udalak ere 6.000 euro banatuko ditu bertako dendetan erosteko. Herriko saltokietan erosketak egiteko sustatu du ekimena, Covid-19ak eragindako krisia arintzeko. Herrian erroldatuentzat 600 txartel kaleratuko dituzte, 30 eurokoak (interesatuek 20 euro ordainduko dituzte, gainerako 10 euroak udalak ordainduko ditu). Kanpaina honetan parte hartu nahi duten establezimenduek ekainaren 8tik 19ra atxikimendua eman behar dute. Covid-19 egoera honengatik itxita egon diren Doneztebeko saltokiei bideratua da laguntza.

Doneztebe Futbol Taldearen eguna ere ez dute ospatuko
Koronabirusa

Malerreka Doneztebe

Doneztebe Futbol Taldeak, ohi bezala, ekainean ospatzekoa zuen bere eguna. Dena den, egoera ikusirik, bertan behera uztea erabaki dute. Hortaz, taldekide guztiek botak eta kamisetak erantzi eta heldu den denboraldirako altxatu beharko dituzte.