Larunbateko bazkariarekin hasi, arratsaldeko jolasak eta gauean kontzertuak izanen dituzte Kataku herri ostatuan ‘Kulturaren kontrako erasorik ez, Arteak ireki’ goiburupean, Katakume Eguna ospatuko dute martxoaren 23an Berako Kataku herri ostatuan. Larunbatean 14:00etan bazkaria izanen dute, 17:00etan jolasak eta 22:00etan kontzertua Drumkopters taldearekin eta Joseba B Lenoir musikariarekin.
Josu Okiñena piano-jotzaile donostiarrak 'Xuxurlak' lana eskainiko du larunbatean 19:00etan Harriondoa Kultur Etxean Josu Okiñena piano-jotzaile donostiarrak Xuxurlak izeneko lana eskainiko du hilaren 23an, larunbatean, 19:00etan Harriondoa kultur etxean (sarrera: 8 euro). Munduko zenbait areto ospetsuetan (New York, Tokio, Montevideo, Txileko Santiago…) aurkeztu ondotik dator Lesakara.
Larunbat arratsaldeko 7:30ean lehen deialdian eta 8etan bigarrenean Lesakako Beti Gazte elkarteak larunbat honetan, martxoaren 23an, eginen du urteko ohiko batzarra, 19:30ean lehen deialdian eta 20:00etan bigarrenean, elkarteak Alondigako lehen solairuan duen egoitzan.
Martxoaren 23an Iturenen eta martxoaren 30ean Eratsunen Malerrekako Mankomunitateko Euskara Zerbitzuak, eta Ituren eta Eratsungo udalek Malerrekako Kultur Bira antolatu dute. Kultur bira hau antolatzen den zazpigarren urtea izanen da. 2019ko edizio honetan ere programazio erakargarri bat eskaini nahi izan diete Malerrekako biztanleei. Kultur Bira martxora aldatu da aurten eta bi egunez eginen da, martxoaren 23an eta martxoaren 30ean, Iturenen eta Eratsunen, hurrenez hurren. Emanaldi guztiak doanekoak izanen dira.
Ostiralera arte eman daiteke izena udaletxean.
Otsailaren 1etik apirilaren 12ra bitarte ortziraletan, 20:00etatik 21:45era, bilduko dira.
Urtarrilaren 30era arte eman daiteke izena eta otsailetik maiatzera eskainiko dituzte Musika Eskolan larunbatero Berako Udalak eta Berako Kultur Batzordeak antolatuta, gaita eta atabala tailerrak eskainiko dituzte otsailetik ekainera larunbatero 13:00etatik 14:00etara Isidoro Fagoaga Udal Musika Eskolan. Izena emateko epea urtarrilaren 30era bitarte zabalik dago eta 100 euro ordaindu behar da. Ikastaro bakoitzeko guttieneko kopurua bortz lagunekoa da. Izena emateko 948 012 012 telefonora deitu behar da. Argibide gehiago Berako Kultur Etxean, 948 631222 telefonora deituz edo kultura@bera.eus helbide elektronikora idatziz.
Nafarroako Unibertsitate Publikoaren eskutik, martxoko larunbatetan eginen dute Ikasi dron bat egiten ikastaroa antolatu dute Berako Udalak eta Nafarroako Unibertsitate Publikoak, 16 urtetik goitikoei zuzendua. Martxoaren 9, 16, 23 eta 30ean eskainiko du Andres Abrego Arlegik Beralandetan, 09:00etatik 14:00etara (denera 20 orduko ikastaroa). Izen-ematea martxoaren 1a arte egin daiteke (10 euro), 948 012 012 telefonora deituta, astelehenetik ortziralera 08:00etatik 19:00etara.
Lanak apirilaren 12a baino lehen aurkeztu beharko dira eta herri bozketaren bidez aukeratuko dira irabazleak Lesakako Udalak, 2019ko Sanferminetako programaren azala eta bestak iragarriko dituen kartela aukeratzeko lehiaketa deitu du, Lesakan jaio edota bertan bizi direnentzat. Lanak udal bulegoetan aurkezteko epea apirilaren 12ko 13:00etan bukatuko da, lehiaketa hauetan ohikoa den sistema erabiliz.
Herriko 6 eta 12 urte arteko ikasleek ilustrazio eta ipuin lehiaketan parte hartzen ahal dute Txoko-Txiki ipuin eta ilustrazio lehiaketaren hogeita hamaseigarren edizioa antolatu du Lesakako Tantirumairu ikastolak, Lesakako Udalaren laguntzaz, 6 eta 12 urte bitarteko herriko ikasleei zuzendua.
Xabier Akizu adituaren eskutik eginen dute ortziralean Arizkunenean eta larunbatean Elizondoko eskolan Okintza ekologikoari buruzko ikastaroa antolatu du Baztango Udalak, Xabier Akizu adituaren eskutik. Martxoaren 22an Arizkunenean izanen da, ortziralean 18:00etatik 20:00etara eta martxoaren 23an, Elizondoko eskolan, larunbatean 10:00etatik 14:00etara eta 15:00etatik 18:00etara.