Xuxurlak ikerketa lan zehatz baten fruitua da. Izan ere, Okiñena Musikenen (Euskal Herriko goi-mailako musika ikastegia) irakasle izateaz gain, bilaketa eta zabaltze eginkizun garrantzitsu bat ari da betetzen, hainbat euskal musika sortzaileren obrak berreskuratuz eta ezagutaraziz.
Oraingo Xuxurla horien artean, Aita Donostiaren zenbait sorkuntza entzuteko aukera izanen da, bereziki Andante doloroso haren azken lana, baita bertze egile garaikideenak ere. Hala nola, Tomas Garbizu, Felix Lavilla edo Paskual Aldabe lesakarrarenak batetik, eta XVIII. mendeko bertze zenbaitzurenak bertzetik, gehienak lehen aldiz argitaratuak.