Larunbat honetan ere bertako ekoizleen merkatua eginen dute Beran. Beralandetan eginen dute, eguraldi ona bada kanpoaldean, eta txarra bada, aldiz, barrenean. 10:30ean hasi eta 13:30ean bukatuko da merkatua.
Palestinarrei elkartasuna adierazteko erresistentzia jaialdia antolatu dute apirilaren 13an Leitzako Atekabeltz gaztetxean. Egun osoan zehar izanen dituzte ekintzak: hitzaldia, bazkaria, kabareta, tekno punk kontzertuak eta DJak, goizaldera arte. Gaueko kontzerturako sarrera zazpi euro ordaindu beharko da eta bazkaria, paella beganoa, nahi duenak momentuan ordaindu beharko ditu bost euro.
Apirilaren 13an, larunbatez, Sarako Beti Gazte erretretatuen elkarteak antolatu du bere biltzar nagusia eta ondotik bazkaria, Lur Berri gelan 12:30ean, honako menuarekin: aperitifa, eltzekaria, legatza saltsa berdean, idikia saltsan, gasna erreximentarekin, pastiza, arno beltz eta gorri, kafea ondokoarekin.
Bi kulturek elkar ezagutzeko egun osoko ekitaldiak antolatu ditu Frantziako Doomi Yoff elkarteak Kultur Topaketen Garaiaren barrenean
Otxogorrienetik plazarako ibilbidea eginen dute larunbat arratsaldean, ikasle ohien protagonismo bereziarekin
Lehen Hezkuntzako ikasleek herriari buruzko galderei erantzun behar diote eta apirilaren 26a baino lehen aurkeztu
Haur eta gaztetxoen pintura lehiaketarekin eta Maider Cigarroaren kontzertuarekin abiatuko da larunbatean