Kultur Topaketen Garaian sartuko dira Senperen apirilaren 6tik 19ra eta hainbat ekitaldi izanen dira. Hasteko, apirilaren 6an, larunbatean 09:00etatik 13:00etara, Senpereko Ortzadarrak antolatutako pintura lehiaketa izanen da Larrekon, 8 eta 14 urte arteko neska-mutikoei zuzendua. Egun berean, Maider Cigarroa musikari senpertarraren Biran den lasaia kontzertua 20:30ean. Aipatzekoa da Arranoen Begia elkarteko argazkilarien lanean ariko direla topaketako egun guztietan.
- Apirilaren 7an, igandean, 17:00etan, Le repas des Fauves antzerkia izanen dute Larrekon. 1942an, Frantzia okupatuan iragaiten den gertakari bat aipatzen du komedia dramatiko honek.
- Apirilaren 9an, asteartean 14:30etik 18:00etara, pintura eta eskultura tailerra eskainiko dute Senpereko Ortzadarra elkarteko artistek, beraien lanak publikoaren aitzinean eginez Larreko atarian. Egun berean, Larreko barnean, O! Dantza ikuskizuna eskainiko du urritik Elirale taldeak.
- Apirilaren 10ean, 10:30ean eta 14:00etan, Cie Kixka antzerki taldearekin eskutik, antzerki entsegu publikoak eginen dituzte.
- Apirilaren 12an, Régis Mailhot umoristak bere emanaldia eskainiko du 20:30ean, ongi ezaguna Frantziako telebistan.
- Apirilaren 13an afro/euskal musika eta dantza topaketa eginen dute 14:00etatik 23:00etara, Association Doomy Yoff de France (ADYF) elkarteak antolatua.
- Apirilaren 14an, 09:30ean eta 12:30ean Zirikolatz dantza taldearen Dantz’Hari ikuskizunaren entseguak eginen dituzte. Ikuskizun hau apirilaren 26an eta 27an aurkeztuko dute.
- Apirilaren 16an eta 17an Epaulard Senpere elkarteak antolatutako itsasontzien maketa erakusketa eginen dute Larrekon. Hilaren 17an, 16:00etan solasaldia ere izanen dute.
- Apirilaren 18an, Mois du son musika emanaldia izanen dute Mediatekan 18:00etan. Sarreran borondatea uzteko modua izanen da eta mozkinak Senpereko CCASi itzuliko zaizkio. Egun berean, 18:00etan Larrekon, helduentzako antzerki entseguak eskainiko du CIE Kixka taldeak.
- Apirilaren 19an, azkenik, rock kontzertua emanen du 21:00etan Pourkoipa musika taldeak.
Egitaraua herriko etxeko webgunean.