Mende erdia bete du ikasturte honetan Tantirumairu ikastolak eta 50. urteurreneko bigarren ospakizuna eginen dute apirilaren 13an, larunbat arratsaldean, Eta elkartuko gara berriro goiburupean.
Larunbatean, 18:00etan, Otxogorrienea-Intxaurrenean elkartu eta plazan bukatuko dute ikasle ohiek protagonismo berezia izanen duten ospakizuna, mende erdi horretan ikastolaren aterpe izan diren guneetan barna igaro ondotik. Hain zuzen, ikasle ohiek, bakoitzak bere arlotik (musika, dantza, bertsoak…) plazara arteko ttirriki-ttarraka ibilbidea aberastuko dute. Plazan ikuskizuna, txosna jan-edatekoekin, musika eta giro ona izanen da.