Maitane Maritorena aniztar gure kolaboratzailearen errana gure eginez, kalko ustelak izena paratu diogu atal honi. Berak dioen bezala, «kalkoak, bertze hizkuntzetatik kopiatzen ditugulakoz, eta ustelak, txarrak direlakoz, eta gainera bertzeak ere usteltzen dituztelakoz».
Eredu ≠ adibide
ots 10 Mendialdea
Gaztelaniazko ‘ejemplo’ edo frantseseko ‘exemple’ hitza modu kalkatuan erabiltzeak sortzen du nahastea. Euskaraz, gauza bat da eredu (sin.: ‘modelo’, ‘jarraibide’, ‘prototipo’): Euskal autore gailenak ditu eredu. Eta bertze gauza bat adibide (sin.: ‘argibide’): Adibide bat jarriko dizut hobeki ulertzeko.
