‘*Eta abar luze bat’ edo ‘eta abar’?

Euskaltzaindiaren arabera, *eta abar luze bat esapidea kalko desegokia da. Ez du tradiziorik, nahiz euskara txukuneko idazle batzuek erabili izan duten. Gaztelaniazko «un largo etcétera» (eta ingelesezko «a long etcetera») esapidetik kalkatua dago. Gaztelaniaz ez dakitenentzat ulergaitza edo arrotza da. Aski da eta abar soila, edo, enfasia eman nahi bada, eta abar(,) eta abar.