1-Onik agertu da goizean desagertutako legasarra
Otsailaren 8an desagertu zen Beatriz Indart Ariztegi legasarra eta haren bila ibili ziren. Handik ordu batzuetara onik agertu zen.
Joan den urteko urtarrilaren 10ean Berako Plaza Zaharraren eta Herriko Etxeko Plazaren artean dauden eskaileren inguruan zulo handi bat agertu zen eta etxeen segurtasuna arriskuan ote dagoen aztertu bitartean, lau atarietako bizilagunak etxetik atera zituzten.
3-Sutea Lesakan Tomaseneko bordako zerrategian
Apirilaren 12an gertatu zen ezbeharra, sute batek Lesakan Tomaseneko bordako zerrategia kiskali zuen.
4-Etxalarko bizilagun bat atxilotua bere autoan zihoan emaztea tirokatzeagatik
Urtarrilaren 26an atxilotu zuten, egun batzuk lehenagotik bere bikotekidea Sunbilla parean autoan zihoanean ibilgailuan hartu zuen tiroaren egilea izatea leporatuta. Foruzaingoaren arabera, itxuraz errifle batekin egindako tiroak autoaren karrozeriaren kontra jo zuen.
5-Katti, politte, eskerrik asko
Urtarrilaren 10ean hil zen Katti Zabaleta Azpiroz leitzarra gogoan, Leitzako Amazabal institutuko 60 ikasle ohi baino gehiagok gutun hauxe idatzi zuten. Eskerrak eman nahi izan zizkioten «amesteko, eraldatzeko, hazteko hegoak indartzeagatik, hegan egiten ikasteko bidelagun izateagatik».
6-34 urteko lesakarra sanferminetako azken entzierroko zaurituen artean
Iruñeko sanferminetako azken entzierroan gertatu zen. Itxura batean entzierro azkarra eta garbia izan bazen ere, azkenean sei zauritu utzi zituen, tartean, 34 urteko lesakarra. Egun berean eman zioten alta.
7-Kristina Saralegi leitzarra hil da
Otsailaren 25ean hil zen Leitzako Arro baserriko alaba, eta heriotzaren albisteak gogor astindu zuen herria. Leitzan ez ezik, Euskal Herrian oso ezaguna zen, batez ere baserriaren, kirolaren eta tradizioen inguruko hainbat arlotan.
Lesakako Udalak sanferminen atarian egin zuen jakinarazpena, eta gazteei garraio publiko zerbitzua erabiltzeko deia egin zien.
9-Eratsunen 37 urteko mendizale bat hil da
Nafarroako Suhiltzaileek jakinarazi zutenez, 37 urteko mendizale oiartzuar bat hil zen irailaren 3an Eratsunen bihotzekoak emanda. Doneztebeko mediku-erizainak eta suhiltzaileak gogotik saiatu ziren mendizalea suspertzen, baina, zoritxarrez, ezin izan zuten deus egin.
10-Marihuana laborategia Etxalarren
Joan den urte hasieran gertatu zen. Foruzaingoak adierazi zuenez, miaketa egiterakoan 40 kilo marihuana, 1.500 gramo haxix eta legez kanpoko armak konfiskatu zituzten.
11-«Hilketa saiakera» delituaren zantzuak ikusita, behin-behineko espetxealdia bi atxilotuentzat
Sunbillako tiroketarekin lotutako kasua da. Emakumearen aurkako indarkeriaren epaileak «hilketa saiakera» delituaren zantzuak ikusi zituen eta bi atxilotuendako behin-behineko espetxealdia agindu zuen, komunikatua eta fidantzarik gabea. Epaileak ebazpen judizialean azaldu duenez, ilbeltzaren 23an bi inputatuak gertakarien tokian zeuden biktimaren ibilgailuari eskopeta batekin tiro egin ziotenean. Tiroak autoaren aitzineko aldean jo zuen, gidariaren aldeko leihatilan. Horiek horrela, magistratuak hilketa saiakera egotzi zien bi atxilotuei.
12-Egoerarekin etsita Lesakako osasun eremuko zuzendariak dimisioa aurkeztu du
Duela aste pare bat, nekatuta eta etsipenez mintzatu zen azken zazpi urteotan Lesakako Lehen Mailako Arretako zuzendari izan den Ruth Gonzalez Santo Tomas. Nafarroako Osasun Zerbitzuan eta arduradunengan «konfiantza galdu» duela adierazi zuen eta ez zuela «gestio txar horren ageriko aurpegia izaten» segitu nahi. Jakinarazi zuenez, abenduaren 31n uztekoa zuen zuzendari kargua eta Etxalarko eta Berako medikua izaten segituko zuela aipatu zuen. Bortzirietako osasun zentroen egoera larria ere azaleratu zuen.
13-Gizonezko bat atxilotu dute Lesakan tratu txarrak leporatuta
Iraileko lehenbiziko asteburuan sei lagun atxilotu zituzten Nafarroan indarkeria matxista egotzita, eta horietako bat Lesakan izan zen.
14-Arraiozko 21 urteko gazte bat hil da gidatzen zuen ibilgailua errepidetik aterata
Otsailean gertatu zen ezbeharra, gidatzen ari zen ibilgailua bidetik atera eta 150-200 metro inguruko tarte batean amildegi batetik beheiti erori zen erreka bateraino. Kolpe haundia izan zen.
15-Emakume bat hagitz larri zauritu da Narbarte inguruan izandako auto istripuan
Maiatzaren 2ko eguerdian gertatu zen istripua, Narbarte eta Legasa artean, errepide zaharraren eta N-121-A errepide berriaren arteko bidegurutzean. Zoritxarrez, hil egin zen.
16-Pello Apezetxea euskaltzalea eta Etxalarko apaiza hil da
Martxoaren 16an hil zen Pello Apezetxea Zubiri, apaiza, idazlea, ohorezko euskaltzaina eta TTIPI-TTAPA Fundazioko lehendakaria. Goizuetan sortua 1932ko ekainaren 24an, Etxalarren pasa zituen bizitzako urte gehienak.
17-Beran jokatu zen 1974an Munduko Ziklo-kros Txapelketa
XX. mendean hainbertze ziklo-kros txapelketa jokatu zituzten Beran eta izugarrizko ospea eman zioten herriari. Proba garrantzitsu haien irudi batzuk bildu zituen TTIPI-TTAPAk iazko urtarrilean argazki zahar, liburuxka eta bideo artxiboen bitartez.
18-Adur Etxezarreta eskiatzaileari omenaldi hunkigarria Areson
Sorpresa haundia eman zioten otsailaren 12an herritarrek eta kuadrillakoek (herrikoak eta Leitzakoak) Adur Etxezarreta eskiatzaileari. Bazkaltzera joateko geldituak ziren, baina, Adurrentzat ustekabean, hitzordua omenaldi hunkigarri bihurtu zen.
19-Covid ziurtagiriaren kontrako elkarretaratzea Lesakan
Covid ziurtagiriari ez, Askatasuna zioen pankartaren gibelean hainbat lagun bildu ziren iazko ilbeltzaren 7an Lesakako Plaza Zaharrean egindako elkarretaratzean.
20-Berako bizilagun bat espetxera droga substantziekin trafikatzeagatik
Foruzaingoak etxea miatu zuenean, 115 gramo kokaina, 110 gramo speed eta 120 gramo marihuana aurkitu zituzten, baita bortz baskula eta droga paketatzeko materiala ere. Otsailean izan zen.