Uda giroa

Sanferminetan Lesakako lorategi eta berdegunetan akanpatzea debekatua egonen dela jakinarazi du udalak

Herriguneko lorategi eta berdeguneetan ez dute kanpinik jartzen utziko.

Etortzen diren gazteei hurrengo asteburuan indartuko den garraio publiko zerbitzua erabiltzeko deia egin diete

Euskal Herriko hainbat txokoetatik Lesakako Sanferminetara etortzen diren gazteei garraio publikoa erabiltzeko deia egin die Lesakako udalak. Hori ahalbidetzeko, hurrengo asteburuan ohiko autobus zerbitzua indartu dute. Gainera, herriguneko lorategi eta berdeguneetan akanpatzea debekatuta egonen dela ere jakinarazi du udalak. «Elkar errespetatzeko eta herria zaintzeko eskaria» egin nahi diete bisitariei.

Honela, heldu den ortziralean, uztailak 8, Donostiatik Lesakara etortzeko autobusa izanen da 08:30ean, 10:35ean, 12:35ean, 14:35ean, 15:50ean era 19:15ean eta larunbatean, uztailak 9, 08:30ean, 14:30ean, 16:00etan, 16:30ean, 19:30ean. Eta 20:00etan. Lesakatik Donostiara bueltatzeko, berriz, larunbatean eta igandean 07:00etan, 08:00etan, 09:30ean, 10:30ean eta 18:25ean izanen dira autobusak.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun