Basaburuko Udalak, Imozko Udalarekin eta Atezko Udalarekin zein Cederna Garalurrekin elkarlanean, Basaburuko azoka antolatu du abuztuaren 29rako, hondarreko larunbaterako. Bertako artisauek euren produktuak plazaratuko dituzte Orokietan zehaztu duten goiz osorako hitzorduan.
Jakina denez, Trikidantz taldea bertze disko bat grabatzen ari da. Berriki deialdi bat ere egin dute, herritarrak disko abesti batean parte hartzera gonbidatuz. Gaineratu dutenez, entzuleak «gure proiektuaren parte» izatea nahi dute.
Kirol hitzordu hirukoitza izanen da larunbat honetan Beran. Alde batetik, Nafarroako III. Mailako Aizkora Txapelketako finala jokatuko dute eta bertzetik, gizonezkoen eta emakumezkoen ingude altxatze txapelketak eginen dituzte.
Uztailaren 4az geroztik, asteburuero-asteburuero Uda garai akustikoa egitasmoaren baitan kontzertuak egiten aritu dira Arantzako Aterpean, segurtasun neurriak hartuta eta edukiera mugatuarekin. Hain zuzen, larunbat honetan, borobilduko dute udako kontzertu zikloa, Trikidantz taldearekin.
Abuztuaren 1etik 30era irekiko du erakusketa Arizkunenean
Uda osoan musika eta dantza emanadiak izanen dira Beran, Donamarian, Elizondon, Leitzan eta Zugarramurdin ere
Amotz auzoko Larraldean Argi”hitz”kiak erakusketa ikusgai dago 'Hatsa'-kideen eta beren lagunen arteko laugarren erakusketa zabalik da abuztuaren 6tik 29ra Senpereko Amotz auzoko Larraldean. Hatsa elkartearen urteko olerki bilduman parte hartu duten gehienen idatziak 110 bat kuadrotan ageri dira, Auxtin Zamoraren argazki artistikoeri loturik. 16:00etatik 19:00etara irekiko dituzte Larraldeako ateak.
‘Pirinioetako bihotzera bidaia’ goiburupean ExpoPiribus jarduerak hasi dituzte Bertizen uztailaren 21etik abuztuaren 2ra. Egun horietan, Juan Carlos Pikabearen ‘Mendiko ohiturak’ erakusketa zabaldu dute Bertizko jauregiaren erakusketa-aretoan, baina margolari lesakarrak aipatu digunez, abuztuan ere aretoa librea zegoenez, hilabete osoan ikusgai izanen dira gure inguruko inauteri, besta eta ohiturak irudikatzen dituzten 22 margolanak.
Udari adio errateko, abuztuaren 27tik 29ra bitarte, ortzegunetik larunbatera, likidazio azoka izanen dute Donezteben. 10:00etatik 13:00etara eta 16:30etik 19:30era bitarte herriko lau komertziotan deskontu aprobetxagarriak izanen dituzte.
Apirila | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |