Abuztuko hondarreko larunbatean, hilaren 29an, Basaburuko azoka izanen dute Orokietan. 10:00etatik 14:0etara bitarte bertako produktuen postuak ez ezik, artile prozesuaren erakusketa eta ardi moztearen erakustaldiak izanen dira. Bien bitartean, 12:00etan, artisau eta ekoizleen aurkezpenak izanen dira, bertso ibiltarien bidez. Ondotik, 13:00etan, zozketa izanen dute.
Asteburu horretan Basaburuko jatetxe eta tabernetan zonaldeko produktuekin egindako menuak eta platerak eskainiko dituzte.
Antolatzaileek Covid-19ak eragindako egoera honetan, beharrezko osasun eta higiene-neurriak betetzea bermatuko dutela jakinaraztearekin batera, musukoa erabiltzea derrigorrezkoa izanen dela oroitarazi dute.