Itzuliaren ondotik plazan elkarretaratzea eta Herriko Ostatuan bazkaria izanen dituzte Emakumeen Nazioarteko Egunaren harira, martxoaren 11n, igandean, herriko mendietan barna eginen da Bortzirietako emakumeen IX. mendi itzulia. 09:00etan dute hitzordua, herri sarrerako aparkalekuan. Hortik abiatuta mendi itzulia eginen dute. Ondotik, 13:00etan Etxalarko plazan elkarretaratzea izanen da.
Igantzi eta Basaburuako taldeek lan bikaina egin zuten Antsoainen jokatutako hirugarren jardunaldian Nafarroako Herri Kirol Jokoetako laugarren jardunaldia Igantziko frontoin jokatuko dute martxoaren 18an, igandean 10:30etik aitzinera. Eguraldi txarra eginen balu Berako Eztegara frontoian izanen da saioa. Martxoaren 25ean Berroetan jokatuko den finalaren aitzineko azken jardunaldia izanen da eta Igantzik eta Basaburuak ongi bideratua dute finalerako sailkapena, bai proba konbinatuan baita sokatiran ere. Joan den igandean bikain ibili ziren Antsoainen.
Aizkolari bakoitzak 4.000 euro jokatuko ditu igande eguerdian Ezkurra pilotalekuan Mieltxo Mindegia zubietarrak Luis Txapartegi gipuzkoarraren aurka, apustua jokatuko du martxoaren 11n, igandean, 12:00etan, Doneztebeko Ezkurra frontoian. Txapartegiren asmoa txapelketako lan bera egitea bazen ere (lau kanaerdiko, lau 60 ontzako eta lau oinbiko), azkenean, zortzi kanaerdiko, lau 60 ontzako eta eta bi oinbiko ebakiko dituzte.
Igande arratsaldeko 7etan kontzertua eskainiko dute Ilda Gabriel eta bere taldeak Martxoaren 11n, igandean, goizean bailableak eta arratsaldean kontzertua izanen dituzte Baztanen. Baztango Dantzarien eta Elizondoko Gaiteroek antolatuta, bailableak 12:45ean izanen dira, eta plazan elkartuko dira (euria eginez gero Braulio Iriarte frontoian). Baztango Udaleko Kultura Batzordeak antolatutako eta Nafarroako Gobernuak babesturiko, Fado Kontzertua, berriz, Arizkunenean izanen da, 19:00etan. Ilda Gabriel eta bere taldeak eskainiko dute eta dohainik izanen da.
Parte-hartzaile guztien artean bi lagunendako otordua zozketatuko da Legasako Arotxa jatetxean ERRAN.eus atariak antolaturiko inauterietako argazki lehiaketaren bozkaketa fasea zabalik da dagoeneko. Martxoaren 16tik apirilaren 3ra bitarte eman daiteke bozka https://erran.eus/lehiaketa/1516371414732/vote/ atarian. Apirilaren 6an jakinaraziko dira irabazleak, eta hilabete horretan bertan eginen da sari banaketa, irabazleekin aurrez zehazturiko egun eta orduan.
0-3 urteko haurrei eskainia Leitzako Haur Eskolan eta Goizuetako Xalto eskolan eskainiko dituzte • Otsailaren 19ra bitarte eman daiteke izena Haurren garapenean musika tresna baliotsua izan litekeela uste dutelako, Musikari txikiak tailerra eskainiko du aurten ere Aralar Musika Eskolak. Martxoko ostirale arratsaldetan izanen dira saioak, denera lau. Ikastaro guztia 30 euro kostako da.
Lanak martxoaren 23ra bitarte aurkez daitezke eta herri bozketaren bidez aukeratuko dira irabazleak Lesakako Udalak, 2018ko Sanferminetako programaren azala eta bestak iragarriko dituen kartela aukeratzeko lehiaketa deitu du, Lesakan jaio edota bertan bizi direnentzat. Lanak udal bulegoetan aurkezteko epea martxoaren 23ko 13:00etan bukatuko da, lehiaketa hauetan ohikoa den sistema erabiliz.
Igandean Emakumeen IX. Mendi Itzulia eginen dute Etxalarren Martxoaren 8ko Emakumeen Nazioarteko Egunaren harira egitarau zabala prestatu du Bortzirietako Gizarte Zerbitzuen Mankomunitateko Berdintasun Batzordeak.
Denok Bat Federazioaren eskutik, larunbatean 10:00etatik 20:00etara eta igandean 11:00etatik 19:00etara Baztan-Bidasoko hainbat merkatari eta zerbitzuz osaturiko Denok bat federazioak, Nafarroako Gobernuaren eta Doneztebeko Udalaren laguntzaz, eskualdeko III. Stock Feria antolatu du martxoaren 10 eta 11rako. Aurtengoan, Doneztebeko kiroldegian izanen dute hitzordua, eta larunbatean 10:00etatik 20:00etara; eta igandean 11:00etatik 19:00etara bitarte bilduko dira.