erran.eus

Martxoaren 8ko programa aurkeztu du Bortzirietako Berdintasun Batzordeak

  Gizartea  Bortziriak

Igandean Emakumeen IX. Mendi Itzulia eginen dute Etxalarren

Martxoaren 8ko Emakumeen Nazioarteko Egunaren harira egitarau zabala prestatu du Bortzirietako Gizarte Zerbitzuen Mankomunitateko Berdintasun Batzordeak.

Martxoaren 8ko programa aurkeztu du Bortzirietako Berdintasun Batzordeak
Bortzirietako Gizarte Zerbitzuen Mankomunitateko Berdintasun Batzordeak aurkeztu du Martxoaren 8rako egitaraua. | Ikusi handiago | Argazki originala

 

Martxoaren 8an elkarretaratzeak eginen dituzten Arantzan (12:00etan herriko plazan), Beran (12:45ean Toki Ona institutuko patioan) eta Igantzin (12:00etan Udaletxean).

Martxoaren 9an, filmea ikusgai jarriko dute Arantzan (19:00etan herri eskolan), Etxalarren (19:00etan Kulur Etxean) eta Igantzin (18:45ean Ziberrean).

Martxoaren 10ean, Hika Teatroa taldearen Koadernoa zuri antzezlana ikusgai izanen da Lesakako Harriondoa Kultur Etsean, larunbatean 19:30ean

Martxoaren 11n, igandean, herriko mendietan barna eginen da Bortzirietako emakumeen IX. mendi itzulia.  09:00etan dute hitzordua, herri sarrerako aparkalekuan. Hortik abiatuta mendi itzulia eginen dute. Ondotik, 13:00etan Etxalarko plazan elkarretaratzea izanen da.

Nahi duenak dutxatzeko aukera ere izanen du eta parte-hartzaile guztiei salda eskainiko zaie. 14:00etan bazkaria izanen da Herriko Ostatuan. Bazkarira joan nahi dutenek martxoaren 8a bitarte 948 635036 telefonora deituz eman beharko dute izena (20€).

Martxoaren 24an, azkenik, Vini, vidi, vinci antzezlana ikusgai izanen da Berako Kultur Etxean, 19:00etan.

 

Baztan, Bortziriak eta Malerrekako emakumeok planto!

Aipatzekoa da, Baztan, Bortziriak eta Malerrekako emakumeok planto! Izenburupean greba eguna ere deitua dagoela martxoaren 8rako. Egun horretan, zenbait mobilizazio ere iragarri dituzte Baztan-Bidasoaldean.

• 13:00etan LILAKATEA Berako Mukixu zubian.

• 12:00etan EMAKATEA Elizondon barna, musikakin alaitua.

• 13:00etan ELKARRETARATZEA Elizondoko Plazan. Ondotik, bazkari autogestionatua Gaztetxean.

• 18:30ean Emakumeen KAFE TERTULIA Lesakako Plazan.

• 20:00etan MANIFA ZARATATSUA, Lesakan.

Sustatzaileek diotenez, “Kafe tertuliara etorri zuen termo, merendu edo nahi duzuen guziakin! Elkarrekin goxatuko dugu giroa! Eta gero manifara mozorrotuak hobe!”.

2018/03/08 - 2018/03/11

Bortziriak

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa