Larunbata, ekainak 5

09:30

Nafarroako kenpo txapelketa eta Bortzirietako kluben arteko lehiaketa larunbatean Beran

Nafarroako Karate Federazioak eta Diziplina Elkartuak elkartearen eskutik, Nafarroako kenpo kai txapelketa eta Bortzirietako kluben arteko lehiaketa izanen dituzte heldu den larunbatean, ekainaren 5ean, Beran.

10:00

Bisita gidatuak Bertiz Natur Parkean / Ingurumenaren Nazioarteko Eguna

Ekainaren 5ean, heldu den larunbatean, Ingurumenaren Nazioarteko Egunaren harira bisitak izanen dituzte Bertiz Natur Parkean. 11:00etan izanen dute lehen hitzordua Arkitektura eta modernismoa Bertizko Jaurerria Natur Parkea goiburupean. Harreran eta informazio etxolan dute hitzordua. Ordubeteren buruan, 12:00etan, antzeztutako bisita gidatuaren txanda izanen da. Lorategi historikoan zehaztu dute topalekua.

10:30

'Sagar basatitik sortutako sagarrondoak' hitzaldia ekainaren 5ean Zubietan

Sagar basatitik sortutako sagarrondoei buruzko solasaldia emanen du Juan Gamiok.

13:00

Zapla! bertso plazak Arantzan izanen du azken saioa

Hasiera batean maiatzaren 15ean egitekoa bazen ere, larunbatera gibelatu zuten bertso bazkaria. Beraz, ekainaren 5ean 14:00etan eginen dute Aterpe jatetxean.

17:00

19:00

'Lesaka biziberritzen' erakusketa

Lesaka biziberritzen ekimena abiatu du Lesakako udalak, herriko erdigunea eraberritzeko plana aurkezteko, erdigune biziago, atseginago, irisgarriago eta seguruago bat bihurtzeko helburuarekin. Proiektu honen berri emateko, herritarrekin konpartitu eta euren iritzia jasotzeko, erakusketa bat antolatu dute ekainaren 3tik 10era Komentuan (Harriondoa). Horrez gain, aurkezpen bat ere eginen dute ekainaren 9an, asteazkenean 19:00etan Harriondoa Kultur Etxeko Txokobiko aretoan. 

17:00

19:00

Ricardo Baroja: 40 urte argazkitan

Berako Ricardo Baroja eskolaren 40. urteurrena dela eta egiten ari diren jardueren artean, oraingoan, argazki erakusketa bat antolatu dute. Ricardo Baroja eskola: 40 urte argazkitan erakusketa hau, kultur etxean egonen da publikoari irekita, gaurtik hasita hiru asteburutan. Ortziraletan 17:00etatik 19:00etara eta larunbatetan eta igandetan 11:00etatik 13:00etara eta 17:00etatik 19:00etara izanen da ikusteko aukera.

18:00

23:59

Berako Oihua aldizkarian lanak aurkezteko epea irekia da

Urtero, Berako bestetako programarekin batera, Berako Oihua aldizkaria banatuko ohi da etxeetan. Aurten bestak izan ez direnez Uda bizia udako programazioarekin batera argitaratuko da. Norbaitek artikuluren bat argitaratu nahi badu, epea irekita dago eta ekainaren 13a izanen du azken eguna bere testua eta irudiak kultura@bera.eus helbidera bidaltzeko.

16:00

20:00

Labiaga ikastolako ikasleen lanak ikusgai

Berako Labiaga Ikastolako ikasleek erakusketa irekiko dute larunbat honetan Altzate karrikako ikastolako Areto Nagusian. Ekainaren 20a bitarte larunbat eta igandetan izanen da aukera erakusketa bisitatzeko, 16:00etatik 20:00etara. Urtean zehar egin dituzten lanak jarri dituzte Areto Nagusian, ikasle bakoitzeko lan bana.