Ekainaren 5ean, heldu den larunbatean, Ingurumenaren Nazioarteko Egunaren harira bisitak izanen dituzte Bertiz Natur Parkean. 11:00etan izanen dute lehen hitzordua Arkitektura eta modernismoa Bertizko Jaurerria Natur Parkea goiburupean. Harreran eta informazio etxolan dute hitzordua. Ordubeteren buruan, 12:00etan, antzeztutako bisita gidatuaren txanda izanen da. Lorategi historikoan zehaztu dute topalekua.
Arratsaldean aniztasun botanikoari erreparatuko diote. Horretarako bisita gidatua 16:00etan izanen dute. 17:00etan, berriz, antzeztutako bisita gidatua izanen dute eta akitzeko, 18:30ean dekorazio-arteak izanen dituzte hizpide.
Plazak mugatuak izanen direnez aitzinetik izena eman behar da. Informazioa eta izen-ematea 948 59 24 21 telefonoan edo cinberti@navarra.es helbidean egin daiteke.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.