Ekainaren 16an aukeratuko dute irabazlea Goizuetako Udalak, herriaren itxura hobetzeko asmoz, Udakolore Balkoi Lehiaketa eginen du, lehendabizikoz. Ekainaren 16an aukeratuko dute balkoi ederrenaren jabea eta herriko merkatal guneetan gastatzeko 150 euroko saria jasoko du.
Telleria baserria bisitatuko dute, Mukarrainen geldialdia eginen dute aziendak jarretan ikusteko eta gosari txiki batekin bukatuko dute besta Joan den urtean, Leitza Kontsumituz partaidetza prozesuan ekintza plana osatzeko bildutako ekarpenak honako helburuotara begira eraiki ziren: lehen sektorea eta bertako produktuak ikustaraztea; ekikadura burujabetzaren ikuspegitik hausnarketa egitea; eta bertako produktuen ekoizpena eta kontsumoa bultzatzea. Lehen sektoreko lanak ikustarazteko ekimenen harira, Bertatik Bertara dinamika osatzen duten Leitza eta Aresoko Udalak, LeitzEKO Kontsumo taldeak, ekoizleak... Larreen Eguna antolatu dute. Antolatze-lanetan Mendibil Mendi Taldearen eta Alke Kultur Elkartearen laguntza izan dute.
Izen bera duten Nafarroako bi herrien arteko topaketa eginen dute eta hogei gazte etortzekoak dira Malerrekara Iruñerritik Nafarroan bi Urroz daudela herrian ttikitatik dakigun zerbait da. Gehienek seguraski ez dugu bertze herria ezagutuko baina jendeak biak nahasi izanagatik entzutea badugu. Horren harira, senidetze besta antolatu da eta 20 gazteko talde bat etortzekoa da gurera.
Larunbat goizean tailerrak eta herri kirol erakustaldia izanen dute eta gero bazkaria eta dantzaldia Larunbat honetan, hilak 16, Ikasturte bukaerako besta eginen dute Lesakako Irain eskola publikoan, Guraso Elkarteak antolatuta. Larunbat goizeko 11etatik aintzinera, herritar guztientzat tailerrak eta Herri Kirol erakustaldia izanen dituzte, Igantziko haurren taldearen eskutik. Eguraldia lagun bada eskolako pistan eginen djte eta bertzela frontoian. Ondoren,14:00etan eskolako haur, guraso eta irakasleen bazkaria eginen dute eta arratsaldean dantzaldia.
Giltzarrik antolatuta, larunbatean 20:00etan Harriondoa Kultur Etxeko komentuan Giltzarri Abesbatzak antolatuta, Leitzako Jeiki abesbatzak kontzertua eskainiko du ekainaren 16an, larunbatean 20:00etan Lesakako Harriondoa Kultur Etxeko komentuan. Zenbait loteren zozketak eginen dituzte emanaldiaren ondotik eta bildutakoa Tantirumairu ikastolarentzat izanen da.
Ekainaren 9an errepresioa izanen dute hizpide eta 14:00etan bazkaria izanen dute Atekabeltz Gaztetxeak, Irurtzungo Pikuxarrekin elkarlanean, 'Kontzientzia eskuratu iraultza' antolatu du. Apirilaren 28tik ekainaren 23ra bitarte hainbat saio antolatu dituzte, Irurtzunen, Larraunen eta Leitzan.
Haurdun daudenei zuzenduriko zortzi orduko ikastaroa izanen da Agruparte Elkarteak eta Baztango Udalak, lankidetzan, haurdun daudenendako musikoterapia tailerra antolatu dute. Zortzi saioko tailerra maiatzaren 2tik ekainaren 20ra bitarte eskainiko da, Arizkunenea Kultur Etxean. Asteazkenetan bilduko dira, 10:00etatik 11:30era. Izen-ematea 160 euro ordaindu beharko da.
Hitzaldiak, tailerrak, antzerkiak, ipuin-kontaketak, haurrentzat jarduerak, erakusketak... izanen dituzte Kultur Aroa ate joka ari da. Leitzarrek maiatzaren 4an irekiko dizkiote ateak eta garagarrilaren 30era bitarte haur, gazte zein helduek hainbat ekitaldiz gozatzeko aukera izanen dute. Hilaren 4an, ostiralean, Amazabal ikastetxeko ikasleen Leitza Urratsez Urrats hitzaldiarekin abiatuko dute Kultur Aroa. Berrikuntza proiektuaren harira egindako lanak aurkezteko hitzordua 11:30ean dute, udaletxean. Maiatzaren 5ean, berriz, Autodefentsa feminista tailerra izanen dute, 10:00etatik 14:00etara eta 16:00etatik 20:00etara.
Egunero irekia egonen da, 12:00etatik 14:30era eta 17:30etik 21:00etara Eugenio Llamosas margolariaren margo erakusketa irekiko dute Arizkunenea Kultur Etxean ekainaren 1etik 24ra. Sortzez Castro Urdialeskoa (Kantabria), Baztango Eskolako kide den Llamosas-en margolanak lehen ere ikusgai izan dira Arizkunenean. Egunero irekia egonen da erakusketa, 12:00etatik 14:30era eta 17:30etik 21:00etara.
Ekainaren 14an, 21ean eta 28an izango dira saioak eta ekainaren 7ra bitarte eman daiteke izena Mendialdea Mankomunitateak eta Nafarroako Unibertsitate Publikoak, elkarlanean, hondakin bereziak eta materia organikoa kudeatzen ikasteko formazioa antolatu dute. Hiru saio izanen dira, ekainaren 14an hasita, ostegunetan. Arratsaldeko 17:30etik 20:00etara bitarte bilduko dira.
Ortziralean kontzertua eta erakusketa eginen dituzte eta igandean, egun osoko ospakizuna Guraso Elkarteak, Udalak, Altxata Kultura eta Kirol Elkarteak eta Landagain eskolak antolatuta, ekainaren 15 eta 17an Haurraren Eguna ospatuko dute Etxalarren.
Hainbat ekitaldi izanen dituzte ekainaren 15etik 17ra Berako auzoan, tartean ‘Pintxo-Jira’, ostatuen arteko pintxo lehiaketa Altzateko bestak ospatuko dituzte ekainaren 15etik 17ra, egitarau zabalarekin. Pintxo-Jira, ostatuen arteko pintxo lehiaketa ere izanen dute.
Larunbatean Elizondon hainbat ekitaldi antolatu dituzte IV. Baztango Gazte Eguna ospatuko dute ekainaren 16an Elizondon. Larunbat goizeko 9:30ean Gazte Olinpiadak izanen dituzte. Irabazleek bazkaria debalde izanen dute. 14:00etan bazkaria. Txartelak Intza ostatuan salgai daude, 15 euroren truke. Ekainaren 14a izanen da izena emateko hondar eguna.
Egun osoko ekitaldiak herri afariarekin eta dantzaldiarekin borobilduko dituzte 214 neska-mutil ibili dira aurten Doneztebe Futbol Taldean, hamabi taldetan banaturik, eta hilabeteetako lanaren ondotik, ailegatu zaie maletak, botak, kamisetak… ongi garbituta, heldu den denboraldirako gordetzeko tenorea. Baina hori larunbat honetako ospakizunaren ondotik eginen dute, Doneztebe Futbol Taldearen Eguna antolatu baitute, Udalaren eta GazteBurrunba kultur elkartaren laguntzaz.