erran.eus

Udakolore Balkoi Lehiaketa eginen dute lehendabizikoz Goizuetan

  Gizartea  Leitzaldea  Goizueta

Ekainaren 16an aukeratuko dute irabazlea

Goizuetako Udalak, herriaren itxura hobetzeko asmoz, Udakolore Balkoi Lehiaketa eginen du, lehendabizikoz. Ekainaren 16an aukeratuko dute balkoi ederrenaren jabea eta herriko merkatal guneetan gastatzeko 150 euroko saria jasoko du.

Udakolore Balkoi Lehiaketa eginen dute lehendabizikoz Goizuetan
Irabazleak herriko merkatal guneetan gastatzeko 150 euro jasoko ditu | Ikusi handiago | Argazki originala

 

Lehiaketaren helburu nagusia goizuetar eta bisitariei ingurune atsegin eta ederraz gozatzeko bide ematea da. Etxeko balkoi eta leihoak norberak bere gustuei tarte eginez, nahi duen bezala eta inolako baldintzarik gabe alegia, apaindu ahal izanen ditu. Epaimahaikideek etxearen aurrekaldearen zainketa eta itxura, oro har, eta balkoi eta leihoen edertasuna, apainketen originaltasuna, loreen konposizioa eta bestelako elementu osagarriak hartuko dituzte kontuan.

Ekainaren 16an, goizean, epaileak herrian barna ibiliko dira. Beraz, ez da inon izenik eman beharko. Irabazleak herriko merkatal guneetan gastatzeko 150 euro jasoko ditu eta irabazlearen izena Udalaren webgunean argitaratuko da (www.goizueta.eus). Erosketa txartela erabiltzeko hiru hilabeteko epea izanen du.

2018/06/16 08:00 - 15:00

Leitzaldea Goizueta

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa