erran.eus

Hondakin bereziak eta materia organikoa kudeatzen ikasteko formazioa izango dute Leitzan

  Gizartea  Leitzaldea  Leitza

Ekainaren 14an, 21ean eta 28an izango dira saioak eta ekainaren 7ra bitarte eman daiteke izena

Mendialdea Mankomunitateak eta Nafarroako Unibertsitate Publikoak, elkarlanean, hondakin bereziak eta materia organikoa kudeatzen ikasteko formazioa antolatu dute. Hiru saio izanen dira, ekainaren 14an hasita, ostegunetan. Arratsaldeko 17:30etik 20:00etara bitarte bilduko dira.

Hondakin bereziak eta materia organikoa kudeatzen ikasteko formazioa izango dute Leitzan
Hondakinen kudeaketari buruzko hainbat jakintza eskuratuko dituzte ikastaroan | Ikusi handiago | Argazki originala

 

Mendialdea Mankomunitateak bere gain hartzen dituen garbiguneak eta materia organikoaren bilketa zein kudeaketaz arduratuko den langile bat kontratatzeko egingo duen deialdiaren harira sortutako ikastaroa da hilaren 14an, 21ean eta 28an eskainiko dena. Hori horrela, lanpostuan interesa dutenek eta hondakin kudeaketarekin erlazioa duen edonok eman dezake izena. Plaza kopurua mugatuak izanen dira, gehienez ere 25 lagunek eman ahalko dute izena. Mankomunitateak ikastaroan parte hartzen dutenei ziurtagiria emanen die.

Ikastaroa Natxo Irigoien Iriartek, NUPko irakasleak, eta Joseba Santxez Arizmendiarrietak, Mendialdea Mankomunitateko hondakinen teknikariak eta NUPeko kolaboratzaileak, eskainiko dute. Informazio gehiago nahi dutenek Mankomunitatera deitu edo info@mendialdea.eus helbidera idatziz eskura dezakete.

Egitaraua

Lehendabiziko saioan ekonomia zirkularrari eta hondakinei buruzko zertzelada batzuk eskainiko dira, pixkan-pixkan, Mendialdeko egoerari erreparatuko dietelarik. Bigarren saioan, ekainaren 21ean, hondakinen kudeaketari buruzko legedia, betebeharrak, sailkapena eta kudeaketa sistemak izango dituzte mintzagai. Azkenik, ekainaren 28an, besteak beste, puntu garbien funtzionamenduaz ariko dira. Era berean, biohondakinen kudeaketaz arduratzen den langilearen ardurak eta betebeharrei helduko diete, oinarrizko jakintza informatikoari tarte eginaz.

2018/06/14 - 2018/06/28

Mendialdea Mankomunitatean Leitzaldea Leitza

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa