Egun horren helburua, ekitaldi didaktikoen bidez, lehen sektoreak Leitzan eta Areson urteetan egin duen eta gaur egun egiten duen ekarpen sozial eta kulturala balioetsi eta aitortzea eta paisaia eta lurraldea mantentzen egin duten lana ezagutaraztea da. Helburua asebetetzera bidean, egun osoko egitaraua antolatu dute. 09:00etan plazatik abiatu eta Telleri baserria bisitatuko dute. Bertan, besteak beste, ardiekin egiten duten lana ikusteko aukera izanen dute herritarrek. Ondoren, 12:30ean, Mukarrainen eginen dute geldialdia. Aziendak larreetan ikusteko ez ezik, mendi batzordeko kideen eskutik, larreen funtzionamenduaz eta beste hainbat kontuz hitz egiteko tartea hartuko dute. Nahi duenak autoz bertaratzeko aukera izanen du. Hasiera batean bertako ekoizleen produktuekin eginiko bazkaria antolatua bazuten ere, aurreikusitako kopuru minimora iritsi ez direnez, bertan behera uztea erabaki dute.